దేశ రాజధాని ప్రాంతంలో బాణసంచాపై నిషేధం విధించడంపై ప్రముఖ యోగా గురువు బాబా రామ్‌దేవ్‌ స్పందించారు. ఒక వర్గాన్ని లక్ష్యంగా చేసుకున్నట్లుగా తీర్పు ఉందన్నారు. అత్యున్నత ధర్మాసనం ఇచ్చిన తీర్పు హిందువులను ల
దేశ రాజధాని ప్రాంతంలో బాణసంచాపై నిషేధం విధించడంపై ప్రముఖ యోగా గురువు బాబా రామ్‌దేవ్‌ స్పందించారు. ఒక వర్గాన్ని లక్ష్యంగా చేసుకున్నట్లుగా తీర్పు ఉందన్నారు. అత్యున్నత ధర్మాసనం ఇచ్చిన తీర్పు హిందువులను లక్ష్యంగా చేసుకున్నట్లుగా ఉందన్నారు. ఇలా హిందువుల పండగలపై నిషేధం విధించడం సరికాదన్నారు.
బాణసంచా నిషేధాన్ని సమర్థించిన కాంగ్రెస్‌ నేత శశిథరూర్‌పైనా ఆయన మండిపడ్డారు. థరూర్‌ వంటి విజ్ఞానవంతులు ఇలా వ్యవహరించడం సరికాదని వ్యాఖ్యానించారు. దేశ రాజధాని ప్రాంతంలో దీపావళి రోజున ఏర్పడే వాయు కాలుష్యాన్ని దృష్టిలో ఉంచుకుని ఈ యేడాది బాణసంచా అమ్మకాలు, వినియోగంపై నవంబర్ ఒకటో తేదీ వరకు నిషేధం విధిస్తూ సుప్రీంకోర్టు తీర్పు వెలువరించిన సంగతి తెలిసిందే.
మరోవైపు... ఢిల్లీ-ఎన్‌సీఆర్‌ పరిధిలో బాణసంచా విక్రయాలపై నిషేధం విధిస్తున్నట్లు సుప్రీంకోర్టు ఇచ్చిన తీర్పుతో ఢిల్లీ పోలీసులు తాజాగా ఆన్‌లైన్‌లోనూ బాణసంచా అమ్మకాలపై నిషేధం విధిస్తున్నట్లు ప్రకటించారు. ఆన్‌లైన్‌లో బాణసంచా అమ్మకాలు జరిపితే.. వారిపై కఠినమైన చర్యలు తీసుకుంటామని ఢిల్లీ పోలీస్‌ ప్రతినిధి మధూర్‌ వర్మ హెచ్చరించారు. బాణసంచా అమ్మకాలపై తాత్కాలికంగా ఇచ్చిన లైసెన్సులను కూడా రద్దు చేస్తున్నట్లు ఆయన తెలిపారు.