రేవ్ పార్టీలకు పాములు.. ఆర్గనైజర్ బిగ్ బాస్ ఓటీటీ విన్నర్.. ఎక్కడ?
శుక్రవారం, 3 నవంబరు 2023 (16:09 IST)
రేవ్ పార్టీలకు పాములు, విషాన్ని సరఫరా చేసినందుకు నోయిడా నుండి ఐదుగురు వ్యక్తులను అరెస్టు చేశారు. ఈ సోదాల్లో తొమ్మిది విషపూరిత పాములను స్వాధీనం చేసుకున్నట్లు పోలీసులు తెలిపారు. పీపుల్ ఫర్ యానిమల్స్ (PFA) సంస్థ దాఖలు చేసిన ఫిర్యాదు ఆధారంగా, నోయిడా పోలీసులు సెక్టార్ 51లో ఉన్న ఒక బాంకెట్ హాల్‌పై దాడి చేసి ఐదుగురిని అరెస్టు చేశారు.
ఈ ఐదుగురితో పాటు యూట్యూబర్, బిగ్ బాస్ ఓటీటీ విజేత ఎల్విష్ యాదవ్‌లు వున్నారు. పరారీలో వున్న ఇతనిని అరెస్ట్ చేసేందుకు గాలింపు చర్యలు చేపట్టారు. ఇక అరెస్టు చేసిన వ్యక్తులను రాహుల్, టిటునాథ్, జైకరణ్, నారాయణ్, రవినాథ్‌లుగా గుర్తించారు.
ఎల్విష్ రేవ్ పార్టీలను నిర్వహిస్తుంటారని, అందులో వారు విదేశీయులను ఆహ్వానించి విషపూరిత పాములను ఏర్పాటు చేస్తారని పిఎఫ్‌ఎ ఫిర్యాదులో పేర్కొంది.