మహారాష్ట్రకు చెందిన ఎన్సీపీ సీనియర్ నేత, మాజీ మంత్రి అజిత్ పవార్ తృటిలో ప్రాణాపాయం నుంచి తప్పించుకున్నారు. నాలుగో అంతస్తు నుంచి లిఫ్టులో కిందకు దిగుతుండగా, లిఫ్టు వైరు తెగిపోయింది. దీంతో లిఫ్టు అత్యంత వేగంతో కిందికి జారిపడింది. అయితే, ఈ ప్రమాదంలో ఎవరికీ ఎలాంటి గాయాలు కాకపోవడంతో అందరూ ఊపిరి పీల్చుకున్నారు. పూణెలోని హార్దికర్ ఆస్పత్రిలో ఈ ఘటన జరిగింది. ఆ ఆస్పత్రి ప్రారంభోత్సవ సమయంలో జరిగింది.
ప్రమాదం జరిగినపుడు లిఫ్టులో అజిత్ పవార్‌తో పాటు మరో ముగ్గురు వ్యక్తులు లిఫ్టులో ప్రయాణిస్తున్నారు. అయితే, ఈ ప్రమాదంలో ఎవరికీ ఎలాంటి గాయాలు కాకపోవడంతో అందరూ ఊపిరి పీల్చుకున్నారు. ఈ విషయాన్ని అజిత్ పవార్ స్వయంగా వెల్లడించారు. ప్రమాద సమయంలో తనతో పాటు 90 యేళ్ల వైద్యుడు డాక్టర్ రెడీకర్, పోలీసులు కూడా లిఫ్టులో ఉన్నారు.
తాము లిఫ్టులోకి వెళ్ళిన వెంటనే విద్యుత్ సరఫరా నిలిచిపోయిందని, ఆ వెంటనే లిఫ్టు నాలుగో అంతస్తు నుంచి వేగంగా కిందపడపోవడం అంతా క్షణాల్లో జరిగిపోయిందన్నారు. ఆ తర్వాత లిఫ్టు డోర్లు పగులగొట్టి వారిని సురక్షితంగా రక్షించారు. ఈ ప్రమాదం గురించి తాను ఎవరికీ చెప్పలేదని, లేదంటే ఆదివారమే ఈ విషయం పెద్ద బ్రేకింగ్ న్యూస్‌గా వచ్చేదని వెల్లడించారు.