బెంగుళూరులో ఓ ఐటీ కంపెనీలో సాఫ్ట్‌వేర్ ఇంజనీర్‌గా పని చేస్తే ఓ వ్యక్తితో సీఐఎస్ఎఫ్‌లో ఉన్నతాధికారిణిగా పనిచేసే ఓ మహిళ వివాహేతర సంబంధం పెట్టుకుంది. పెళ్లి చేసుకుంటాని టెక్కీని నమ్మించి తన కామవాంఛ తీర్చుకుంది. తీరా సీన్ కట్ చేస్తే.. ఆ టెక్కీని మోసం చేసింది. ఈ మోసాన్ని భరించలేని ఆ టెక్కీ ఓ లాడ్జిలో ఆత్మహత్యకు పాల్పడ్డాడు. కర్నాటక రాష్ట్రంలోని మంగుళూరులో ఈ ఘటన జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే,
ఉత్తరప్రదేశ్ రాష్ట్రంలోని ఘాజిపూర్‌‍కు చెందిన అభిషేక్ (40) అనే వ్యక్తి బెంగుళూరులోని ఓ ఐటీ కంపెనీలో పని చేస్తున్నాడు. ఈయనకు సీఐఎస్ఎఫ్‌లో ఉన్నతాధికారిగా పనిచేసే ఓ మహిళ పరిచయమైంది. అప్పటి నుంచి వారిద్దరూ తరచుగా మాట్లాడుకోవడం ప్రారంభించారు. ఈ క్రమంలో వారి పరిచయం కాస్త ప్రేమగా మారింది. దీంతో టెక్కీని పెళ్లి చేసుకుంటానని ఆ మహిళ నమ్మించి, తన లైంగిక కోర్కెలను తీర్చుకుంది.
ఆ తర్వాత ఆమె టెక్కీతో సంబంధాలు తెంచుకుంది. ఆ తర్వాత ఆమె గురించి ఆరా తీయగా, ఆమెకు ఇదివరకే వివాహమై ఉన్నట్టు గ్రహించాడు. దీన్ని జీర్ణించుకోలేని టెక్కీ, మంగుళూరులోని ఓ లాడ్జిలో ఆత్మహత్యకు పాల్పడ్డాడు. దీనిపై పోలీసులు కేసు నమోదు చేసి విచారణ జరుపుతున్నారు. ఆ మహిళాధికారి ప్రస్తుతం కర్నాటకలో విధులు నిర్వహిస్తుండటం గమనార్హం.