నా కొడుక్కి మరో యువతితో ఎఫైర్ వుంది, నువ్వు నాతో గడుపు: కోడలిపై మామ అత్యాచారం

మహారాష్ట్రలోని కొల్హాపూర్ పరిధిలోని ఇచల్‌కరంజీ అనే ప్రాంతంలో దారుణం జరిగింది. తండ్రి తర్వాత అంతటి స్థానంలో వుండి కాపాడాల్సిన మామయ్య తన కోడలిపై అత్యాచారం చేసాడు.

వివరాల్లోకి వెళితే... ఇచల్ కరంజీ ప్రాంతంలో 73 ఏళ్ల మహ్మద్ బాగ్వాన్ ఇంట్లో ఇటీవలే పెళ్లయిన కొడుకు-కోడలు వుంటున్నారు. ఐతే కోడలిపై మామయ్య కన్నేశాడు. కొడుకు అలా పనికి వెళ్లగానే కోడలితో అసభ్యకరంగా ప్రవర్తించడం మొదలుపెట్టేవాడు. మామయ్య ఇలా చేస్తున్నాడని చెబితే భర్త ఏం చేస్తాడోనని విషయాన్ని బయటకు చెప్పలేదు.

ఇదే అలుసుగా తీసుకున్న బాగ్వాన్ కోడలిపై అత్యాచారం చేసాడు. పైగా తన కుమారుడికి వేరే యువతితో ఎఫైర్ వుందనీ, కాబట్టి నువ్వు నాతో గడుపు అంటూ ఆమెపై అత్యాచారం చేసాడు. అలా మరుసటి రోజు కూడా ఆమెపై అఘాయిత్యానికి పాల్పడ్డాడు. దీనితో భర్తకు చెబితే ఏమవుతుందోనని భయపడ్డ బాధితురాలు విషయాన్ని పోలీసులకు ఫిర్యాదు చేసింది. 

ఫిర్యాదు నమోదు చేసుకున్న పోలీసులు బాగ్వాన్‌ను అరెస్టు చేసి రిమాండుకు తరలించారు. అతడిపై అత్యాచారం సెక్షన్ల కింద కేసు నమోదు చేసి దర్యాప్తు చేస్తున్నారు.