హైదరాబాద్ లోని పాతబస్తీలోని రెయిన్ బజార్‌లో ఓ దారుణం చోటుచేసుకుంది. పాతబస్తీలో ఓ యువతిపై అత్యాచారం చేసి దారుణంగా హత్య చేశారు. మతాంతర ప్రేమ వ్యవహారమే దీనికి కారణమని తెలుస్తోంది.
నారాయణఖేడ్‌కు చెందిన ఓ యువతి, నగరానికి చెందిన ఓ యువకుడు ప్రేమించుకున్నారు. వీరి ప్రేమను ఇష్టపడని యువకుడి అన్న దారుణానికి ఒడిగట్టాడు. సోదరుడు ప్రేమించిన ప్రియురాలిపై అత్యాచారం చేసి అత్యంత దారుణంగా హత్య చేశాడు.
ఈ సంఘటన పాతబస్తీలో కలకలం రేపింది. బాధితురాలి మృతదేహానికి ఉస్మానియాలో పోస్టుమార్టం జరిగింది. అనంతరం యువతి మృతదేహాన్ని ఆమె బంధువులకు అప్పగించారు. ప్రస్తుతం నిందితుడు పోలీసుల అదుపులోనే ఉన్నాడు.
