మెగాస్టార్ చిరంజీవి - డైరెక్టర్ మెహర్ రమేష్ కాంబినేషన్‌లో తెరకెక్కుతున్న చిత్రం "భోళాశంకర్". ఈ చిత్రం ఆగస్టు 11వ తేదీన విడుదలకానుంది. ఈ మూవీ ప్రమోషన్ కార్యక్రమాల్లో భాగంగా, వచ్చే నల 11వ తేదీన ఈ చిత్రం రెండో సింగిల్ సాంగ్‌ను రిలీజ్ చేయనున్నారు. ఈ సాంగ్ ప్రోమోను ఆదివారం సాయంత్రం 4 గంటల 5 నిమిషాలకు రిలీజ్ చేశారు. ఇప్పటికే రిలీజైన్ భోళా మేనియా మంచి ఆదరణ చూరగొంది. మహతి సాగర్ సంగీత బాణీలను సమకూర్చారు.
యాక్షన్ డ్రామా నేపథ్యంలో తెరకెక్కుతున్న ఈ చిత్రం తమిళంలో సూపర్ హిట్ అయిన "వేదాళం"కు రీమేక్. చెల్లిలి సెంటిమెంట్‌తో తెరకెక్కిస్తున్నారు. ఇందులో చిరంజీవి చెల్లిగా కీర్తి సురేష్ నటించగా, హీరోయిన్‌గా తమన్నా నటించారు. మెహర్ రమేష్ దాదాపు పదేళ్ళ తర్వాత మళ్లీ ఈ సినిమాతో మెగా ఫోన్ పట్టాడు. ఏకే ఎంటర్‌టైన్మెంట్, క్రియేటివ్ కమర్షియల్స్ సంస్థలు సంయుక్తంగా నిర్మిస్తున్నాయి.