పుష్ప మూవీలోని 'సూసేకీ' పాట హిందీ వెర్షన్‌‍కు కేజ్రీవాల్ దంపతుల నృత్యం (Video)

ఢిల్లీ మాజీ ముఖ్యమంత్రి, ఆమ్ ఆద్మీ పార్టీ కన్వీనర్ అరవింద్ కేజ్రీవాల్ గత ఎన్నికల్లో అధికారాన్ని కోల్పోయారు. దీంతో ఆయన ప్రస్తుతం పూర్తి విశ్రాంతి తీసుకుంటున్నారు. ఈ క్రమంలో తాజాగా ఆయన కుమార్తె వివాహం జరిగింది. ఇందులో ఆయన తన సతీమణితో కలిసి డ్యాన్స్ అదరగొట్టారు. కుమార్తె వివాహంలో అల్లు అర్జున్ నటించిన "పుష్ప" చిత్రంలోని పాటకు స్టెప్స్ వేశారు. తన సతీమణి సునీతతో కలిసి 'సూసేకీ' అనే పాట హిందీ వెర్షన్‍‌కు కాలు కదిపారు. ప్రస్తుతం కేజ్రీవాల్ దంపతుల డ్యాన్స్ వీడియో నెట్టింట వైరల్‌గా మారింది. 

కాగా, ఢిల్లీ లిక్కర్ స్కామ్‌లో అరెస్టు అయిన అరవింద్ కేజ్రీవాల్... కొన్ని నెలల పాటు జైలు జీవితాన్ని గడిపారు. తీహార్ జైలులో ఉన్న సమయంలో ఆయన తీవ్రమైన అనారోగ్యానికి గురయ్యారు. అయితే, సుప్రీంకోర్టు ఆయనకు బెయిల్ మంజూరు చేయడంతో ప్రస్తుతం బెయిలుపై  ఉన్నారు.