వాట్సప్ నుంచి కొత్తగా ఐదు ఫీచర్స్.. రీడ్ లేటర్.. వ్యూవ్ ఒన్స్ గురించి తెలుసా?

సోషల్ మెసేజింగ్ యాప్ వాట్సప్ ఎప్పటికప్పుడు కొత్త కొత్త ఫీచర్స్ రిలీజ్ చేస్తూ యూజర్లను ఆకట్టుకుంటున్న సంగతి తెలిసిందే. వాట్సప్ వాడేవారి అవసరాలకు తగ్గట్టుగా ఈ ఫీచర్స్‌ని రూపొందిస్తూ ఉంటుంది వాట్సప్. ఈ ఫీచర్స్ యూజర్లను బాగా ఆకట్టుకుంటాయి కూడా. అలాంటి మరిన్ని ఫీచర్స్‌ను ఆండ్రాయిడ్, ఐఓఎస్ యూజర్లకు అందించేందుకు వాట్సప్ కసరత్తు చేస్తోంది. మల్టీ డివైజ్ సపోర్ట్, మిస్డ్ గ్రూప్ కాల్స్ లాంటి ఫీచర్స్ ఉన్నాయి.  

డిసపరింగ్ మోడ్ : వాట్సప్ డిసప్పియరింగ్ మెసేజెస్ ఫీచర్ ఇప్పటికే ఉన్న సంగతి తెలిసిందే. ప్రస్తుతం గ్రూప్స్‌కి మాత్రమే ఈ ఫీచర్ ఉంది. త్వరలో అన్ని ఛాట్ థ్రెడ్స్‌కి ఈ ఫీచర్ తీసుకురానుంది వాట్సప్. అంటే ప్రతీ ఛాట్‌కు డిసప్పియరింగ్ మెసేజెస్ ఫీచర్ ఆన్ చేసుకోవచ్చు.

మల్టిపుల్ డివైజ్ సపోర్ట్: మల్టీ డివైజ్ సపోర్ట్ ఫీచర్‌ను రెండుమూడు నెలలుగా పరీక్షిస్తోంది వాట్సప్. అయితే ఈ ఫీచర్‌ను త్వరలోనే రిలీజ్ చేస్తామని వాట్సప్ ప్రకటించింది. ఒకట్రెండు నెలల్లోనే ఈ ఫీచర్ అందుబాటులోకి రానుంది. ఈ ఫీచర్‌తో మీరు ఒకే వాట్సప్ అకౌంట్‌ను వేర్వేరు డివైజ్‌లల్లో లాగిన్ కావొచ్చు.

రీడ్ లేటర్: రీడ్ లేటర్ ఫీచర్‌ను కూడా తీసుకురాబోతోంది వాట్సప్. ముఖ్యమైనవి కాని మెసేజెస్, ఛాట్స్‌ని మీకు వీలైనప్పుడు చదవడానికి ఈ ఫీచర్ ఉపయోగపడుతుంది.

మిస్డ్ గ్రూప్ కాల్స్: గ్రూప్ కాల్స్ మిస్ అయ్యారా? మిస్డ్ గ్రూప్ కాల్ ఫీచర్‌తో ఆ గ్రూప్ కాల్స్‌లో జాయిన్ కావొచ్చు. ప్రస్తుతం గ్రూప్ కాల్ వచ్చినప్పుడు జాయిన్ కాకపోతే ఆ తర్వాత చేరడానికి వీల్లేదు.

వ్యూవ్ ఒన్స్: వాట్సప్‌లో వచ్చే ఫోటోలు, వీడియోలతో మీ స్మార్ట్‌ఫోన్ స్టోరేజ్ నిండిపోతుందా? త్వరలో ఈ సమస్యకు పరిష్కారం రాబోతోంది. వ్యూ వన్స్ ఫీచర్ వస్తోంది. ఈ ఫీచర్‌తో మీరు ఫోటోలు, వీడియోలు డౌన్‌లోడ్ చేయకుండా ఒకసారి చూస్తే సరిపోతుంది. డౌన్‌లోడ్ చేయాల్సిన అవసరం లేదు.