లావా అగ్ని 5జీ స్మార్ట్ఫోన్ను నవంబర్ 9న మధ్యాహ్నం 12 గంటలకు ఆవిష్కరించనున్నట్లు సంస్థ తెలిపింది. ఇప్పటికే కంపెనీ తన అధికారిక వెబ్సైట్ ద్వారా దీని లాంచింగ్ను ధ్రువీకరించింది. అయితే లాంచింగ్కు ముందే దీనికి సంబంధించిన ఫీచర్లు ఆన్లైన్లో లీకయ్యాయి.
లీకేజీని బట్టి స్మార్ట్ఫోన్ ఫీచర్లను పరిశీలిస్తే.. లావా అగ్ని 5జి స్మార్ట్ ఫోన్ పంచ్-హోల్ కటౌట్ డిస్‌ప్లేతో వస్తుంది. ఇది ఆక్టా-కోర్ మీడియాటెక్ డైమెన్సిటీ 810 5G చిప్‌సెట్తో పనిచేస్తుంది. ఇది 5,000mAh బ్యాటరీతో వస్తుంది.
ఈ స్మార్ట్ఫోన్ రూ. 19,999 ధర వద్ద లభించనుంది. ఇది భారతదేశంలో ఇప్పటికే ఉన్న రెడ్మీ, రియల్మీ, శామ్సంగ్ 5జీ స్మార్ట్ఫోన్లకు గట్టి పోటీనిచ్చే అవకాశం ఉంది. ప్రస్తుతం రెడ్మీ నోట్ 10ఎస్ స్మార్ట్ఫోన్ రూ.15 వేలలోపు అందుబాటులో ఉండగా, రియల్మీ 8 5జీ రూ. 16 వేల ధరలో లభిస్తుంది. ఇక, శామ్సంగ్ 5జీ స్మార్ట్ఫోన్లు రూ. 20 వేల ప్రారంభ ధర వద్ద లభిస్తున్నాయి.