గ్యాస్ బుకింగ్‌పై గూగుల్ పే భారీ తగ్గింపు అందిస్తోంది. డిజిటల్ పేమెంట్స్‌లో అగ్రగామి అయిన గూగుల్ పే ద్వారా గ్యాస్ సిలిండర్ బుక్ చేస్తే రూ.10 నుంచి రూ.500 వరకు తగ్గింపు సొంతం చేసుకోవచ్చు.
అయితే మీరు కనీసం గూగుల్ పే ద్వారా రూ.500 లావాదేవీ నిర్వహించి ఉండాలి. స్కాచ్ కార్డు రూపంలో మీకు ఈ డబ్బులు లభిస్తాయి. గూగుల్ పే ఒక్కటే కాదు మరి కొన్ని పేమెంట్ యాప్‌లు కూడా గ్యాస్ సిలిండర్ బుకింగ్‌పై తగ్గింపు అందిస్తున్నాయి.
పేటీఎం, ఎయిర్‌టెల్ పేమెంట్స్ బ్యాంక్ కూడా గ్యాస్ సిలిండర్ బుకింగ్‌పై రూ.30 తగ్గింపు అందిస్తోంది. కాగా, గ్యాస్ సిలిండర్ ధరల్లో మార్పు ఇకపై ప్రతివారం ఉంటాయని నివేదికలు వెలువడుతున్నాయి. ఆయిల్ మార్కెటింగ్ కంపెనీలు ఇప్పటికే ఈ అంశంపై చర్చలు జరుపుతున్నట్లు తెలుస్తోంది.