అమెరికా బ్రిటన్, సహా పశ్చిమాసియా దేశాల కోసమే మూడు దశాబ్దాల పాటు మేం ఈ చెత్త పనులన్నీ చేస్తున్నా. అయితే, ఇది పొరపాటు అని అర్థమైందని పాకిస్థాన్ పీపుల్స్ పార్టీ అధ్యక్షుడు, పాకిస్థాన్ విదేశాంగ మాజీ మంత్రి బిలావుల్ భట్టో అన్నారు. ఉగ్రవాద సంస్థలకు మద్దతు, ఆర్థిక సాయం పాక్ అందించిందని, ఇటీవల ఆ దేశ రక్షణ శాఖ మంత్రి ఖవాజా ఆసిఫ్ అంగీకరించిన సంగతి తెల్సిందే. ఈ నేపథ్యంలో బిలావుల్ భుట్టో స్పందించారు.
'రక్షణ మంత్రి చెప్పిన ప్రకారం పాకిస్థాన్ గతం ఉందనేని రహస్యం కాదని నేను భావిస్తున్నా. ఫలితంగా మనం బాధపడ్డాం. పాకిస్థాన్ నష్టపోయింది. ఆ పరిణామాల నుంచి పాఠాలు నేర్చుకున్నాం. ఈ సమస్య పరిష్కారానికి అంతర్గత సంస్కరణలు చేపట్టాం. పాకిస్థాన్ తీవ్రవాద చరిత్ర తిరస్కరించలేనిది. అయితే, అది ముగిసిన అధ్యాయనం. అది మన చరిత్రలో ఒక దురదృష్ట భాగం' అని బిలావుల్ భుట్టో అన్నారు.
పహల్గాం దాడి తర్వాత భారత్‌లో నెలకొన్న ఉద్రిక్తతలపై పాక్ రక్షణ మంత్రి ఖవాజా ఆసిఫ్ స్కై న్యూస్ మీడియాకు ఇంటర్వ్యూ ఇచ్చారు. ఉగ్ర సంస్థలకు నిధుల సమీకరణ, ఉగ్రవాదులకు శిక్షణ, మద్దతు వంటివి పాక్ చాలాకాలంగా చేస్తోంది.. దీనిపై మీ స్పందన ఏంటి అని జర్నలిస్టు ప్రశ్నించారు.