మీసాల మోనాలిసా.. రూ.5 కోట్లకు అమ్ముడు పోయింది...

'మీసాల మోనాలిసా' రూ.5 కోట్లకు అమ్ముడుపోయింది. మోనాలిసా ఏంటి అమ్ముడు పోవడం ఏంటనే కదా మీ సందేహం. అయితే, ఈ కథనం చదవండి. ప్రముఖ చిత్రకారుడు లియోనార్డో డావెన్సీ అద్భుతంగా మలిచిన చిత్రం ‘మోనాలిసా’. ఫ్రెంచ్‌

'మీసాల మోనాలిసా' రూ.5 కోట్లకు అమ్ముడుపోయింది. మోనాలిసా ఏంటి అమ్ముడు పోవడం ఏంటనే కదా మీ సందేహం. అయితే, ఈ కథనం చదవండి. ప్రముఖ చిత్రకారుడు లియోనార్డో డావెన్సీ అద్భుతంగా మలిచిన చిత్రం ‘మోనాలిసా’. ఫ్రెంచ్‌-అమెరికన్‌ పెయింటర్‌ మార్సెల్‌ డచాప్‌ ‘మోనాలిసా’ చిత్రపటాన్ని తొమ్మిది రకాలుగా పెయింటింగ్‌ వేశాడు. 

అందులో ఒక చిత్రం 7.50 లక్షల డాలర్లకు (సుమారుగా రూ.5 కోట్లు) అమ్ముడైంది. ఈ చిత్రంలో మోనాలిసాకు గడ్డం, మీసం ఉండటం గమనార్హం. ఇటువంటి ఆసక్తికరమైన 110 చిత్రాలను కలిగిన అమెరికన్‌ రచయిత బ్రాండిట్‌ వాటిని అమ్మడం ద్వారా 46 లక్షల డాలర్లు (రూ.30 కోట్లు) రాబట్టేందుకు గత శనివారం వేలం పాటల కార్యక్రమం నిర్వహించాడు. 

చిత్రకారుడు ఫ్రాన్సిస్‌ పికాబియా సృష్టించిన చిత్రానికి 8.22 లక్షల డాలర్లు వస్తాయని భావించగా, ఎవరూ కొనడానికి ముందుకు రాలేదు. వ్యూహాత్మక చిత్రాల పితామహుడిగా గుర్తింపు పొందిన డచాప్‌ వేసిన మోనాలిసా చిత్రానికి 4.70 లక్షల డాలర్లు నుంచి 7 లక్షల డాలర్ల వరకు ధర పలుకుతుందని అంచనా వేయగా.. దానిని మించి 7.50 లక్షల డాలర్ల రేటుకు అమ్ముడు పోయి ప్రతి ఒక్కరినీ ఆశ్చర్యపరిచింది.