ఆ యువకుడితో డేటింగ్ కోసం క్యూకడుతున్న యువతులు.. ఏంటో స్పెషల్?

ఇంగ్లండ్‌లో ఓ యువకుడితో డేటింగ్ చేసేందుకు అమ్మాయిలు క్యూకడుతున్నారు. ఇంతకీ ఆ యువకుడు చేసినపనికి అమ్మాయిలు ఫిదా అయిపోయి.. అతనితో రొమాన్స్ చేసేందుకు వరుసబెట్టారు. ఇలా ఇప్పటికే 20 మంది మహిళలు డేటింగ్ చేసేందుకు సమ్మతం తెలిపారు.

ఇంతకీ ఈ కథనం వెనుక ఉన్న అసలు కథేంటో తెలుసుకుందాం... లండన్‌కు చెందిన మార్క్ రొఫే (30) అనే యువకుడు ఓ బ్యాచిలర్. ఒంటరి తనాన్ని భరించలేక తనతో డేటింగ్ చేసేందుకు పలువురు అమ్మాయిలను కోసం వెతకసాగాడు. ముందుగా ఓ ఇంటివాడు కావాలని ముమ్మరంగా ప్రయత్నించాడు. అవేమీ ఫలించలేదు. 

అయినా నిరాశ చెందలేదు. వాలెంటైన్స్ డే నాటికి తనకు కూడా ఓ ప్రియురాలు కావాలని గట్టిగా అనుకున్నాడు. ప్రముఖ డేటింగ్ యాప్‌లలో గర్ల్‌ఫ్రెండ్ కోసం వెతుకులాట కొనసాగిస్తూనే.. మరో పక్క 'డేటింగ్ కోసం నాకొక సింగిల్ కావాలంటూ' మాంచెస్టర్ సెంటర్‌లో ఓ పెద్ద హోర్డింగ్‌పై ప్రకటన ఇచ్చేశాడు. 

అంతేకాకుండా డేటింగ్‌మార్క్ పేరిట ఓ వెబ్‌సైట్‌ను కూడా ప్రారంభించాడు. దీంతో ఫిదా అయిన యువతులు అతనితో డేటింగ్ కోసం క్యూ కడుతున్నారు. అతనితో డేటింగ్ చేయడానికి ఇప్పటికే తనను 20 మందికిపైగా యువతులు సంప్రదించారని మార్క్ రొఫే వెల్లడించారు. అయితే, ఆ అమ్మాయిల వివరాలను బయటపెట్టబోనని తేల్చిచెప్పాడు.