అమెరికా మాజీ అధ్యక్షుడు జిమ్మి కార్టర్ భార్య, మాజీ ప్రథమ మహిళ రోజలిన్ ఇకలేరు. 96 యేళ్ళ వయుసులో ఆమె కన్నుమూశారు. మానవతావాదిగా పేరు తెచ్చుకున్న ఆమె.. తన భర్తతో కలిసి కార్టర్ సెంటర్ను ఏర్పాటుచేశారు. కాగా, తన భార్య మృతిపై కార్టర్ తీవ్ర విచారం వ్యక్తం చేశారు.
గత కొంతకాలంగా డిమెన్షియాతో బాధపడుతూ వచ్చిన రోజలిన్ ఆదివారం తుదిశ్వాస విడిచినట్టు ది కార్టర్ సెంటర్ అధికారికంగా వెల్లడించింది. మానసిక ఆరోగ్యం ప్రాధాన్యత గురించి ప్రపంచానికి తెలియజెప్పేందుకు రోజలిన్ తన భర్త జిమ్మీ కార్టర్‌తో కలిసి కార్టర్ సెంటర్ను నెలకొల్పారు.
తన సేవా కార్యక్రమాలతో మానవతావాదిగా ప్రపంచ వ్యాప్తంగా పేరు తెచ్చుకున్నారు. 77 యేళ్లుగా వైవాహిక బంధంతో ఉన్న జిమ్మీ, రోజలిన్ అమెరికా చరిత్రలో ప్రత్యేక స్థానం పొందారు. కాగా, భార్య మృతిపై కార్టర్ తీవ్ర విచారం వ్యక్తం చేశారు. తన విజయాలలో ఆమె సమానమైన భాగస్వామి అంటూ కొనియాడారు.