పాకిస్థాన్ మాజీ అధ్యక్షుడు పర్వేజ్ ముషారఫ్ కన్నుమూశారు. ఈయన వయసు 79 యేళ్ళు. ఆయన ఆదివారం దుబాయ్‌లో చనిపోయారని పాకిస్థాన్ మీడియా వెల్లడించింది. గత కొంతకాలంగా అనారోగ్యంతో బాధపడుతూ వచ్చిన ఆయన... దుబాయ్‌లోని ప్రముఖ ఆస్పత్రిలో చికిత్స పొందుతున్నారు. ఈ క్రమంలో ఆదివారం తుదిశ్వాస విడిచినట్టు పలు వార్తా సంస్థలు వెల్లడించాయి.
గత 1943, ఆగస్టు 11వ తేదీన జన్మించిన ముషారఫ్... కరాచీలోని సెయింట్ ప్యాట్రిక్స్‌లో ప్రాథమిక విద్యాభ్యాసం చేశారు. విద్యాభ్యాసం పూర్తి చేసిన తర్వాత ఆయన 1998లో ఆర్మీలో చేరారు. చీఫ్ ఆఫ్ ఆఫ్మీ స్టాఫ్‌గా బాధ్యతలు స్వీకరించారు. ఆ తర్వాత 1999లో పాకిస్థాన్ ప్రభుత్వాన్ని మిలటరీ ఆధీనంలోకి తీసుకోగా పర్వేజ్ ముషారఫ్ దేశాధ్యక్షుడి బాధ్యతలను చేపట్టారు. 2001 నుంచి 2008 ఆయన పాక్ అధ్యక్షుడిగా పని చేశారు.