క్యాబేజీని ఆకుకూర అని కూడా అంటారు. మరి క్యాబేజీలోని ఆరోగ్య ప్రయోజనాలేంటే.. ఇందులో క్యాలరీలు చాలా తక్కువగా ఉంటాయి. పోషక విలువలు అధికంగా ఉంటాయి. క్యాబేజీలోని పీచు పదార్థాలు జీర్ణవ్యవస్థను మెరుగుపరుస్తాయి. ముఖ్యంగా నాడీ వ్యవస్థ బాగా పనిచేసేలా ఉపయోగపడుతుంది. క్యాబేజీలో సూక్ష్మ పోషక పదార్థాలతో పాటు విటమిన్ ఎ, బి, సి వంటివి కూడా ఉన్నాయి.
కీళ్లనొప్పులుగా ఉన్నప్పుడు క్యాబేజీలు పేస్ట్‌లా తయారుచేసుకుని అందులో కొద్దిగా కొబ్బరి నూనె కలిపి మర్దన చేసుకుంటే మంచి ఫలితాలు లభిస్తాయి. సాధారణంగా కొంతమందికి రక్తప్రసరణ సరిగ్గా జరగదు. ఎందుకంటే.. తినే ఆహార పదార్థాల్లో విటమిన్ కె లేకపోవడమే అందుకు కారణం. అందుకు క్యాబేజీ మంచి టానిక్‌లా ఉపయోగపడుతుంది.
క్యాబేజీలో కొద్దిగా కందిపప్పు, ఉప్పు, కారం, పచ్చిమిర్చి వేసి కాసేపు ఉడికించి తీసుకుంటే కంటి చూపు సమస్యలు రావు. దాంతో పాటు కంటి కిందటి నల్లటి వలయాలు కూడా తొలగిపోతాయి. దీనిలోని విటమిన్ సి క్యాన్సర్ వ్యాధుల నుండి కాపాడుతుంది. రక్తపోటును తగ్గిస్తుంది. ఎముకలు బలంగా ఉండాలంటే.. ప్రతిరోజూ క్యాబేజీ జ్యూస్ తీసుకుంటే మంచిది.
క్యాబేజీలోని సల్ఫర్, సిలికాన్ వెంట్రుకలు రాలకూండా చేస్తాయి. అందువలన క్యాబేజీని పేస్ట్‌లా చేసి అందులో కొద్దిగా శెనగపిండి, పెరుగు, మెంతి పొడి కలిపి తలకు రాసుకోవాలి. గంట పాటు అలానే ఉంచుకుని ఆ తరువాత తలస్నానం చేయాలి. ఇలా తరచుగా చేయడం వలన జుట్టు రాలే సమస్య తొలగిపోతుంది. దాంతో తెల్లకలు కూడా రావు.