శబరిమలలో వర్చువల్ క్యూ బుకింగ్ ఎప్పటి నుంచి ప్రారంభం!

పవిత్ర శబరిమల పుణ్యక్షేత్రంలో డిసెంబరు 26వ తేదీన అయ్యప్ప స్వామికి మండల పూజా కార్యక్రమం జరుగనుంది. మొత్తం 41 రోజుల మండల తీర్థయాత్రల తర్వాత డిసెంబర్ 27న ఆల‌యం మూసివేస్తారు. మకరవిలక్కు తీర్థయాత్ర కోసం డిసెంబర్ 30న మళ్ళీ తెరవబడుతుంది. మకరవిలక్కు వ‌చ్చే ఏడాది జనవరి 14న ఆల‌యాన్ని తెరిచి మ‌ళ్లీ 20వ తేదీన మూసివేస్తారు. 

ఇందుకోసం వర్చువల్ క్యూ బుకింగ్ నవంబరు ఒకటో తేదీ నుంచి ప్రారంభమై వచ్చే యేడాది అంటే జనవరి 14వ తేదీతో ముగియనుంది. వ‌ర్చువ‌ల్ క్యూ బుకింగ్ చేసుకోవ‌డానికి భ‌క్తుడు త‌న వివ‌రాల‌ను స‌మ‌ర్పించాల్సి ఉంటుంది. ఆన్‌లైన్ టికెట్ బుకింగ్ స్లాట్లు కావలసిన తేదీకి ఒక వారం ముందు తెరవబడతాయి. శ‌బరిమల వర్చువల్ క్యూ అనేది కేరళ పోలీసులు నిర్వహించే ప్రత్యేక క్యూలో స్లాట్ బుక్ చేసుకోవడానికి భక్తుల కోసం ఆన్‌లైన్ పోర్టల్. 

ఇది సాధారణంగా పంప వద్ద ఏర్పడే పొడవైన క్యూలో వేచి ఉండకుండా భక్తులకు సన్నీధానం చేరుకోవడానికి సహాయపడుతుంది. ఈ వ్యవస్థ ప్రతి గంటకు నిర్ణీత సంఖ్యలో కూపన్లను ఉత్పత్తి చేస్తుంది, భక్తులు నిర్ణీత సమయానికి పంపాను చేరుకోవడానికి ప్లాన్ చేయవచ్చు. 

ఎటువంటి నిరీక్షణ లేకుండా క్యూలో ప్రవేశించవచ్చు. వర్చువల్ క్యూ కూపన్‌తో వచ్చేవారి కోసం కేరళ పోలీసులు ప్రత్యేకంగా ఈ క్యూను నిర్వహిస్తారు. కూపన్లు మరియు ఐడి కార్డును క్యూలో ప్రవేశించడానికి అనుమతించే ముందు కేరళ పోలీసులు ధ్రువీకరిస్తారు.

అయితే, ఈ వర్చువల్ క్యూ టిక్కెట్ బుకింగ్స్ ఎలా చేసుకోవాలో పరిశీలిద్ధాం.... 

తొలు శబరిమల పుణ్యక్షేత్రానికి చెందిన అధికారి వెబ్‌సైట్‌కు సందర్శించాల్సివుంటుంది. అందులోకి లాగిన్ లేదా రిజిస్టర్ లింక్ ద్వారా వెళ్ళాలి. వెబ్‌సైట్ హోమ్‌పేజీలో రెండు ఎంపికలు ఉన్నాయి, అంటే సభ్యుల లాగిన్ లేదా సైన్ అప్. 

ఇప్పటికే రిజిస్టర్ అయిన భక్తులు మెంబర్ లాగిన్ లింక్ ద్వారా వెళ్లి వెబ్‌సైట్‌లోకి లాగిన్ అవ్వడానికి యూజర్ నేమ్, పాస్‌వర్డ్ ఎంటర్ చేయాల్సి ఉంటుంది. నమోదు కాని భక్తులు సైన్ అప్ ప్రక్రియ ద్వారా వెళ్లి అవసరమైన వివరాలను సమర్పించి, తమ పేర్ల మీద యూజర్ నేమ్, పాస్‌వర్డ్‌ను క్రియేట్ చేసుకోవాలి. 

ఆ తర్వాత మీ మొదటి పేరు, చివరి పేరు ఇవ్వాలి. ఈమెయిల్ చిరునామా, మొబైల్ నంబర్, ఐడి ప్రూఫ్, ఐడి నంబర్ తదితర వివరాలను నమోదు చేయాల్సి వుంటుంది. వినియోగదారు పేరును టైప్ చేసి, మీ చిరునామాను ఇవ్వండి మరియు లాగిన్ పేజీకి పాస్‌వర్డ్ కేటాయించండి.

సైన్ అప్ ప్రాసెస్ విజయవంతంగా పూర్తి చేయడం యూజర్ పేరు మరియు పాస్వర్డ్ ఉత్పత్తి అవుతుంది. భక్తుడు వినియోగదారు పేరు మరియు పాస్‌వర్డ్‌ను ఈమెయిల్ లేదా రిజిస్టర్డ్ మొబైల్ నంబర్ ద్వారా పొందవచ్చు. ఆ తర్వాత మీకు ఇష్టమైన తేదీల్లో వర్చువల్ క్యూ బుకింగ్స్ చేసుకోవచ్చు.