Rainy Season Health Tips, వర్షాకాలంలో ఇలా చేయాలి

వర్షాకాలంలో బయట తిరిగి వచ్చిన వెంటనే చల్లని పదార్థాలను తినకూడదు. రోడ్ల పక్కన తోపుడు బండ్లపై అమ్మకానికి ఉంచిన వివిధ రకాల పండ్ల ముక్కలను తినొద్దు. ఫ్రిజ్‌లో ఉంచిన పదార్థాలను యధావిధిగా తినడం కంటే కాస్త వేడి చేసి తినడం మంచిది. పెరుగు ఎక్కువగా తీసుకోవడం మంచిది.

బయట నుంచి ఇంటికి రాగానే కాళ్లూచేతులు శుభ్రం చేసుకుని ఇంట్లోకి వెళ్ళడం మంచిది. దీనివల్ల బయట నుంచి వచ్చే బ్యాక్టీరియా నశిస్తుంది. బాగా ఆరిన దుస్తులను మాత్రమే ధరించాలి. ధరించే వస్త్రాలు కాస్త తడిగా ఉన్నట్టయితే, చర్మ సంబంధిత ఇన్‌ఫెక్షన్లు వచ్చే అవకాశం ఉంది.

వర్షాకాలంలో వచ్చే అనారోగ్య సమస్యలలో అజీర్ణం, కడుపు ఉబ్బరం, శరీరంలో నీరు చేరటం, మూత్రనాళ ఇన్ఫెక్షన్, శిరోజాల, చర్మ సమస్యలుంటాయి. ఇటువంటి రుతు సంబంధిత ఇబ్బందులకు దూరంగా ఉండాలంటే వీధుల్లో అమ్మే పదార్థాలను తినకూడదు. ఆహారంలో ఆమ్లగుణం అధికంగా ఉండే వేపుళ్లు, మాంసం తీసుకోకుండా ఉండటం మేలు. పాలు, పాల ఉత్పత్తులను తీసుకోవడం తగ్గించాలి.

ఆహార పదార్థాల ద్వారా బ్యాక్టీరియా శరీంలోకి చేరే ప్రమాదం అధికంగా ఉండేకాలం కనుక వ్యక్తిగత శుభ్రత విషయంలో మరీ జాగ్రత్త అవసరం. స్నానం చేసే నీళ్లలో వేపాకులు లేదా వేపాకు పసరు వేసుకుని చేస్తే చర్మ వ్యాధులకు ఆస్కారం ఉండదు.

పాతబియ్యం వాడటం వల్ల శరీరానికి ఇబ్బందులు తప్పుతాయి. అల్లం, పసుపు, కాకరకాయ, ఉసిరి వంటివి విరివిగా ఆహారంలో వాడితే ఇన్ఫెక్షన్ రాదు. ప్రతిరోజు పసుపు లేదా చందనం పొడిని ముఖానికి రాసుకుంటే ముఖం కాంతివంతంగా ఉంటుంది. చల్లగా ఉంటే టీ తాగాలనిపిస్తుంది. అయినా టీ, మత్తుపానీయాల వంటివాటిని బాగా తగ్గించేయడం చాలా మంచిది.