తరచూ జలుబు చేయడం, జలుబుతో ఎక్కువ రోజులు బాధపడటం అనేది సైనస్ వ్యాధి ప్రాథమిక లక్షణం. ఆ తర్వాత దశలో జలుబు చేసినప్పుడు ముక్కులు బిగదీసుకుపోవడం వుంటుంది. తల బరువుగా అనిపించడమే కాకుండా ముక్కు నుంచి ఆకుపచ్చని, పసుపచ్చని ద్రవం కారుతుంటుంది. ఆస్తమాలో ప్రధానంగా కనిపించేవి దగ్గు, ఆయాసం, పిల్లికూతలు. కొందరిలో అయితే దగ్గు మాత్రమే కనిపిస్తుంది. ఛాతీ పట్టేసినట్లు బరువుగా అనిపిస్తుంది.
దీన్ని నిరోధించేందుకు హోమియో మందులు కూడా వున్నాయి. ఈ మందుల వల్ల ఆస్తమాను శాశ్వతంగా నిరోధించవచ్చని వైద్యులు చెపుతున్నారు. ఇంగ్లీషు మందుల ద్వారా ఆస్తమాను తరిమేయడం సాధ్యం కాదని అంటున్నారు. ఈ క్రింది చిట్కాలతో కూడా ఆస్తమాను నిరోధించవచ్చు.
1. ఉల్లిపాయలు- వీటిలో యాంటీ ఇన్‌ప్లమేటరీ, యాంటీ ఆస్త్మాటిక్ ప్రభావాలున్నాయి. ఉల్లి తినడం వల్ల బ్రోంకియల్ అబ్‌స్ట్ర్క్షన్‌ తగ్గుతుంది.
2. నారింజ- కమలా, నారింజ, నిమ్మలలో ఉండే విటమిన్‌ సి ఉబ్బస లక్షణాలు తగ్గిస్తుందని వైద్యులు చెపుతున్నారు. కాబట్టి వీటిని తీసుకుంటే సమస్య తగ్గుతుంది.
3. యాపిల్- వీటిలో ఉండే ఫైటోకెమికల్స్ ఆస్తమాతో ఇబ్బంది పడేవారి ఊపిరితిత్తుల పనితీరును మెరుగుపరుస్తాయి. యాపిల్ పైన తొక్క ముదుర రంగులో లైకోఫిన్ ఎక్కువగా ఉన్నందున యాంటిఆక్సిడెంట్‌గా ఆస్త్మా రోగులకు మేలు చేస్తుంది.
4. పాలకూర- ఇందులో మెగ్నీషయం వుంటుంది. ఆస్త్మా లక్షణాలను తగ్గించడంలో ఇది బాగా సహకరిస్తుంది. ఆస్తమా వున్నవారికి రక్తంలోనూ, టిష్యూలలోను మెగ్నీషియం స్థాయిలు తక్కువగా ఉంటాయి. దీర్ఘకాలము మెగ్నీషియం స్థాయిలు పెంచుకోవడము వల్ల ఆస్త్మా సమస్య తగ్గుతుంది.
