మందార ఆకులు కేశ సంరక్షణకు బాగా ఉపయోగపడతాయని మనకు తెలుసు. అలాగే మందార పువ్వులు కూడా మనకు మంచి ఆరోగ్యాన్ని అందిస్తాయి. మందార పువ్వులను ఆహార పదార్థాలలో కలిపి తీసుకుంటారు. చాలా జబ్బులకు మందుగా కూడా పనిచేస్తుంది. ముఖ్యంగా యూనాని మందులలో దీనిని ఎక్కువగా ఉపయోగిస్తుంటారు.
శరీరంలోని కొలెస్ట్రాల్, మధుమేహం, రక్తపోటు, మూత్రపిండాలకు సంబంధించిన వ్యాధి, గొంతుకు సంబంధించిన వ్యాధులు తదితర సమస్యలకు మంచి ఔషధంలా పనిచేస్తుందంటున్నారు వైద్యులు. విటమిన్ సి, కాల్షియం, పీచుపదార్థం (ఫైబర్), ఐరన్, నైట్రోజన్, ఫాస్ఫరస్, టెటరిక్, ఆక్సీలిక్ యాసిడ్, ఫ్లేవోనైడ్ గ్లైకోసైడ్స్ తగు మోతాదులో లభిస్తాయి. వీటివలన శరీరం ఆరోగ్యంగా ఉంటుంది.
మందారపువ్వును హెర్బల్ టీ, కాక్టేల్ రూపాలలోను సేవించవచ్చు. నీటిని కాంచిన తర్వాత ఎండిన మందార పువ్వులను అందులో వేయండి. అందులో చక్కెర, కాస్త టీపొడి కలుపుకుని టీలాగా తయారు చేసుకుని త్రాగండి. ప్రతి రోజూ దీనిని సేవిస్తుంటే ఆరోగ్యానికి చాలా మంచిదంటున్నారు వైద్యులు. పైన చెప్పిన టీని చల్లార్చి అందులో కొన్ని ఐస్ ముక్కలు వేసుకుని తాగితే అదే కాక్టేల్ టీ. దీనిని త్రాగినా కూడా ఆరోగ్యంగా ఉండవచ్చు.