Publish Date: Mon, 27 May 2019 (19:23 IST)
Updated Date: Mon, 27 May 2019 (19:24 IST)
ఒకప్పుడు ప్రేమలో విఫలమైన వాళ్ళు గుబురు గడ్డంతో కనిపించేవాళ్లు. అయితే ప్రస్తుతం ట్రెండ్ మారింది. గడ్డం పెంచుకోవడం ఫ్యాషన్ అయిపోయింది. ఫ్యాషన్తో పాటు దాని వల్ల అనేక లాభాలు ఉన్నాయని పరిశోధనలు వెల్లడిస్తున్నాయి.
* గడ్డం పెంచుకోవడం వల్ల అనేక చర్మ వ్యాధుల నుంచి దూరం కావొచ్చని తాజా పరిశోధనలు వెల్లడిస్తున్నాయి.
* మీకు గడ్డం ఉంటే ముఖం మంచి మాయిశ్చరైజ్ను కలిగి ఉండడంతో పాటు యంగ్ అండ్ స్మార్ట్లుక్తో అందంగా కనిపించేలా చేస్తుంది.
* ముఖ్యంగా సూర్యుడి నుంచి విడుదలయ్యే రేడియేషన్ కిరణాలు నేరుగా ముఖంపై పడకుండా ఆపుతుంది. అందువల్ల చర్మం నల్లగా మారడం, సూర్యరశ్మి తగిలి కమిలిపోవడం వంటి సమస్యలు రావు. ముఖంలో ముడతలు రావు. యూవీ కిరణాల నుండి కూడా రక్షణ కలుగుతుంది.
* ఆస్తమా, గొంతు ఇన్ఫెక్షన్లకు కారణమయ్యే బ్యాక్టీరియా, టాక్సిన్స్ లోపలికి వెళ్లకుండా గడ్డం నివారిస్తుంది.
* క్లీన్ షేవ్ చేసుకున్న ప్రతీసారీ చర్మం మాయిశ్చరైజేషన్ కోల్పోతుంది. దీని వల్ల బ్యాక్టీరియా పెరిగి ఇన్ఫెక్షన్లు, మొటిమలు పెరుగుతాయి. గడ్డం ఉండడం వల్ల ఈ సమస్యలు తలెత్తవు. ముఖంపై మచ్చలు కూడా చాలా వరకూ తగ్గుతాయి.
* ప్రస్తుతం అమ్మాయిలు స్మార్ట్గా కనిపించే మగాళ్ల కంటే గడ్డంతో కనిపించేవారినే ఎక్కువగా ఇష్టపడతారట.
* ఒకప్పుడు ప్రేయసి కాదంటే గడ్డాలు పెంచిన ప్రేమదాసులు కాస్త ప్రేమకి దాసులు కావాలంటే గడ్డాలు పెంచమంటూ సలహాలిస్తున్నారు.
