పాప్‌కార్న్ తినడం వల్ల జీర్ణక్రియను మెరుగుపరుస్తుంది. పాప్‌కార్న్‌లో పెద్ద మొత్తంలో కరగని ఫైబర్ ఉంటుంది. ప్రేగుల నుండి నీటిని తీయడానికి బదులుగా, ఈ రకమైన ఫైబర్ మలబద్ధకం నుంచి ఉపశమనాన్ని ఇస్తుంది. అంతేకాదు... పాప్ కార్న్ తినేవారు బరువు తగ్గేందుకు అవకాశం కలుగుతుందని ఆహార నిపుణులు చెపుతున్నారు.
అల్పాహారాన్ని సరిగ్గా తీసుకోనప్పుడు రోజంతా చిరుతిండ్లు తినేస్తుంటారు. వాటికి బదులు పాప్ కార్న్ తింటే అదనపు క్యాలరీలు వచ్చి చేరవు అంటున్నారు. బాదం, పార్టీ మిక్స్ లేదా జంతికలతో పోలిస్తే, పాప్‌కార్న్ వినియోగం వల్ల తక్కువ ఆకలి కలిగి వుంటుంది. ఫలితంగా చిరుతిండిపై తక్కువ ఆసక్తిని కలిగిస్తుందని పరిశోధనలు కూడా చెబుతున్నాయి.
ఒక అధ్యయనం ప్రకారం పాప్‌కార్న్ పాలీఫెనాల్స్‌కు మంచి మూలం. ఇది వివిధ ఆరోగ్య ప్రయోజనాలతో సంబంధం ఉన్న యాంటీఆక్సిడెంట్లను కూడా కలిగి ఉంటుంది. పాలీఫెనాల్స్ వాస్కులర్ ఇన్ఫ్లమేషన్‌ను తగ్గిస్తాయి, రక్త ప్రసరణను మెరుగుపరుస్తాయి. రక్తపోటును తగ్గిస్తాయి. ఫలితంగా హృదయ సంబంధ వ్యాధుల ప్రమాదం తగ్గుతుంది. పాప్ కార్న్ తినేవారిలో పలు రకాలైన క్యాన్సర్లు కూడా రాకుండా వుంటుందని చెపుతున్నారు.