వళ్లు వేడిబడింది, జ్వరం వచ్చిందేమో? ఎంత ఉష్ణోగ్రత వుంటే జ్వరం?

చాలామంది కాస్త శరీరం వేడిబడగానే జ్వరం వచ్చేసిందని ఆందోళన చెందుతుంటారు. వాస్తవానికి జ్వరం అంటే శరీర ఉష్ణోగ్రత 100.4°F లేదా 38°C లేదా అంతకంటే ఎక్కువ ఉండటం. జ్వరం అంటే శరీర ఉష్ణోగ్రతలో తాత్కాలిక పెరుగుదల, ఇది అనారోగ్యం లేదా వ్యాధికి సంకేతంగా చెప్పవచ్చు. సాధారణ శరీర ఉష్ణోగ్రత 97.5°F నుంచి 98.9°F (36.4°C నుండి 37.2°C) మధ్య ఉంటుంది. ఐతే ఈ శరీర ఉష్ణోగ్రత రోజంతా మారవచ్చు, ఉదయం తక్కువగానూ, సాయంత్రం ఎక్కువగానూ ఉంటుంది.

అసలు జ్వరం లక్షణాలు ఎలా వుంటాయో చూద్దాము. శరీరం బాగా వెచ్చగా, చలిగా లేదా వణుకుతున్నట్లు అనిపిస్తుంది. మీకు సంబంధం లేకుండానే శరీరం వణుకుతున్నట్లు అనిపిస్తుంది. జ్వరం తగ్గేందుకు ముఖ్యంగా మంచినీరు పుష్కలంగా త్రాగాలి. మద్యం, టీ, కాఫీని దూరం పెట్టాలి. శరీర వేడి తగ్గేదుకు చర్మాన్ని గోరువెచ్చని నీటితో స్పాంజ్ చేయాలి. పూర్తిస్థాయిలో విశ్రాంతి తీసుకోవాలి. ఇన్ని చేసినా జ్వరం అదుపులోకి రానట్లయితే వెంటనే వైద్యుడిని సంప్రదించాలి.