ఆనియన్ రింగ్స్ ఎలా చేయాలంటే..?

ఉల్లిపాయ ఆరోగ్యానికి చాలా మంచిది. ఇందులోని పీచు పదార్థం జీర్ణవ్యవస్థను మెరుగుపరచుటకు సహాయపడుతుంది. ఈ ఉల్లిపాయలతో రకరకాల వంటకాలు తయారుచేస్తుంటారు. మరి వీటితో మరో స్నాక్స్ ఐటమ్ ఎలా చేయాలో తెలుసుకుందాం.

కావలసిన పదార్థాలు:

ఉల్లిపాయలు - 2

బియ్యం పిండి - 1 కప్పు

మెుక్కజొన్న పిండి - పావుకప్పు

మిరియాల పొడి - అరస్పూన్

కారం - 2 స్పూన్స్

రైస్ మిల్క్ - 1 కప్పు

నూనె - తగినంత

ఉప్పు - సరిపడా.

తయారి విధానం:

ముందుగా ఓవెన్‌ని 200 డిగ్రీలు హీట్ చేసి పెట్టుకోవాలి. ఆ తరువాత 2 బేకింగ్ కాగితాలను పరిచి ఉంచాలి. ఇప్పుడు గిన్నెలో బియ్యం పిండి, మెుక్కజొన్న పిండి, ఉప్పు, మిరియాల పొడి, కారం, రైస్ మిల్క్ వేసి బాగా కలుపుకోవాలి. ఆ తరువాత ఉల్లిపాయలను గుండ్రంగా కట్‌ చేసుకుని ఆ మిశ్రమంలో ముంచి నూనెలో వేయించుకోవాలి. తరువాత పేపర్ టవల్‌లో కాసేపు ఉంచుకుని బేకింగ్ కాగితంలో వేసుకుని ఓవెన్‌లో కాసేపు ఉంచాలి. అంతే... ఆనియన్ రింగ్స్ రెడీ.