బెంగళూరులో తన సోదరుడి ఇంటికి వెళ్లేందుకు ఎదురుచూస్తున్న మహిళపై ఇద్దరు వ్యక్తులు అత్యాచారానికి పాల్పడ్డారు. ఆదివారం రాత్రి ఓ మహిళపై ఆమెతో కలిసి ప్రయాణించిన ఇద్దరు వ్యక్తులు లైంగిక దాడికి పాల్పడినట్లు ఫిర్యాదు అందింది. ఈ సంఘటన బెంగళూరులోని ఎస్.జె పార్క్ పోలీస్ స్టేషన్ పరిధిలో జరిగింది. నిందితులను శరవణ, గణేష్‌గా గుర్తించిన పోలీసులు వారిని అరెస్టు చేశారు.
యలహంక ప్రాంతంలోని తన సోదరుడి ఇంటికి వెళ్లాలని బాధితురాలు రాత్రి 11:30 గంటల ప్రాంతంలో KR మార్కెట్ బస్ స్టేషన్ సమీపంలో ఎదురుచూస్తోంది. అటుగా వెళ్తున్న ఇద్దరు వ్యక్తులు ఆమెను చూసి తమ వాహనాన్ని ఆపారు. ఎక్కడికెళ్లాలని ప్రశ్నించి... రండి మేడమ్ మేం కూడా అటే వెళ్తున్నాం, మిమ్మల్ని అక్కడ దిగబెడతాం అంటూ ఆమెను ఏకాంత ప్రదేశానికి తీసుకెళ్లి అత్యాచారం చేశారు.
బాధితురాలు వద్ద ఉన్న డబ్బు, సెల్ ఫోన్, నగలను కూడా దోచుకుని ఆమెను అక్కడే వదిలేసి పరారయ్యారు. ఐతే పోలీసులు జల్లెడపట్టి నిందితులను అరెస్ట్ చేసారు.