నా భార్య మంచిది కాదు అంటూ సెల్ఫీ వీడియో పెట్టి సూసైడ్ చేసుకున్న భర్త

భార్యలను వేధించే భర్తలను ఎక్కువగా చూసి ఉంటాం. కట్నం కోసమో.. లేకుంటే మానసికంగా ఇబ్బందులకు గురిచేయడమో లాంటివి చేస్తూ భార్యల ఆత్మహత్యలకు కారణమవుతుంటారు. లేకుంటే భార్యలను చంపేస్తూ ఉంటారు. అయితే ఇక్కడ మాత్రం ఒక భార్య ఏకంగా తన భర్తను మోసం చేసింది. ప్రేమించి పెళ్ళి చేసుకుని పాత స్నేహితులతో ఎంజాయ్ చేస్తూ అడ్డంగా దొరికిపోయింది. 

తెలంగాణా రాష్ట్రానికి చెందిన ఒక 24 యేళ్ళ యువకుడు సోషల్ మీడియాలో పోస్ట్ చేసిన వీడియో వైరల్‌గా మారుతోంది. అమ్మా... నా భార్య మంచిది కాదు. చెడు తిరుగుళ్లు తిరుగుతోంది. ఆమెకు ప్రేమ విలువ తెలియదు. కుటుంబమంటే ఆమెకు ఇష్టం లేదు.

ముఖ్యంగా భర్త అంటే ఆమెకు ఇష్టం లేదు. తన పాత స్నేహితులతో కలిసి ఉంటోంది. ఎక్కడెక్కడో తిరుగుతోంది. అడిగితే నువ్వేంది చెప్పేది అంటోంది. నేను ఎంతగానో నా భార్యను ప్రేమించి చేతిపై టాటూ వేయించుకున్నాను. అయితే ఇక నేను బతికి ఉండను కదా.

నన్ను చూడటానికి నా భార్య నా శవం దగ్గరకు కూడా రాకూడదు. ఈ టాటూను పూర్తిగా తీసేసి నన్ను పూడ్చిపెట్టండి. నన్ను కాల్చవద్దండి అంటూ ఆ సెల్ఫీ వీడియోలో బాధితుడు చెప్పి పురుగులు మందు తాగి ఆత్మహత్య చేసుకున్నాడు.