23 ఏళ్ల మానసిక వికలాంగురాలిపై తండ్రీకొడుకుల అత్యాచారం.. గర్భం దాల్చడంతో?

హైదరాబాద్ నగర శివార్లలో 23 ఏళ్ల మానసిక వికలాంగురాలిపై ఒక వ్యక్తి, అతని మైనర్ కుమారుడు అత్యాచారం చేశారు. ఈ అకృత్యంతో ఆమె గర్భం దాల్చారని ఆరోపణలు ఉన్నాయి.  వివరాల్లోకి వెళితే... తండ్రిని కోల్పోయిన ఆ మహిళ తన తల్లితో నివసిస్తోంది. 

బాధితురాలికి తెలిసిన, అదే ప్రాంతానికి చెందిన అనుమానితులు ఆమెపై లైంగిక వేధింపులకు గురిచేశారు. గత కొన్ని నెలలుగా ఆ మహిళ ఇంట్లో ఒంటరిగా ఉన్నప్పుడు, తండ్రి కొడుకులు ఆమెపై పదేపదే లైంగిక దాడికి పాల్పడినట్లు అనుమానిస్తున్నారు.

బాధితురాలు అనారోగ్యానికి గురై ఆసుపత్రికి తరలించినప్పుడు ఈ సంఘటన వెలుగులోకి వచ్చిందని పోలీసులు తెలిపారు. వైద్యులు పరీక్షించి ఆమె నాలుగు నెలల గర్భవతి అని నిర్ధారించారు. 

ఆమె వద్ద జరిపిన విచారణలో ఆమె తనపై జరిగిన అఘాయిత్యాన్ని తల్లికి వెల్లడించింది, ఆ తర్వాత వారు పోలీసులకు ఫిర్యాదు చేశారు. పోలీసులు దర్యాప్తు చేస్తున్నారు.