వివాహేతర సంబంధం.. భార్యను రాయితో తలపై కొట్టి హత్య

వివాహేతర సంబంధం హత్యకు దారితీసింది. వివాహేతర సంబంధం ఉందనే అనుమానంతో ఓ వ్యక్తి తన భార్యను రాయితో తలపై కొట్టి హత్య చేసిన సంఘటన ఆదివారం రాత్రి మైలార్‌దేవ్‌పల్లిలో చోటుచేసుకుంది. 

మైలార్‌దేవ్‌పల్లిలో నిర్మాణంలో ఉన్న భవనంలో నివాసం ఉంటున్న అమృతలాల్ సాహు (43), మధుబాయి (29) దంపతులకు వివాహేతర సంబంధం ఉందన్న అనుమానంతో భార్యతో విభేదాలు వచ్చాయి. 

అమృత్ సాహు ఆదివారం తన భార్యతో గొడవపడి నిద్రిస్తున్న సమయంలో బండరాయితో తలపై కొట్టాడు. తలకు బలమైన గాయం కావడంతో ఆమె అక్కడికక్కడే మృతి చెందింది. సమాచారం అందుకున్న మైలార్‌దేవ్‌పల్లి పోలీసులు సంఘటనా స్థలానికి చేరుకుని అమృత్‌ సాహును అదుపులోకి తీసుకున్నారు. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు.