వెబ్ సిరీస్‌లో తాను నటిస్తున్నానంటూ వస్తున్న వార్తల్లో నిజంలేదని టీమిండియా స్టార్ ప్లేయర్ యువరాజ్ సింగ్ తెలిపాడు. వాస్తవానికి ఆ వెబ్ సిరీస్‌లో తన తమ్ముడు జొరావర్ సింగ్ నటిస్తున్నాడని వెల్లడించారు. ఈ విషయాన్ని అందరూ గమనించాలని ట్వీట్ చేశాడు. టీమిండియా మాజీ ఆల్ రౌండర్ అయిన యువరాజ్ సింగ్ కొత్త ఇన్నింగ్స్ ప్రారంభించారని ప్రచారం జోరుగా సాగింది.
కాగా అంతర్జాతీయ క్రికెట్‌కు, ఐపీఎల్ గుడ్‌చెప్పిన యూవీ.. అప్పుడప్పుడు ఇతర టీ-20, టీ-10 మ్యాచ్‌ల్లో మాత్రం మెరుస్తున్నాడు. అయితే.. ఈ డ్యాషింగ్ బ్యాట్స్‌మెన్ త్వరలో ఓ వెబ్ సిరీస్‌ద్వారా తెరంగేట్రం చేస్తున్నట్టు సోషల్ మీడియా కోడై కూసింది.. ఈ వార్త కాస్త వైరల్‌గా మారిపోయింది.
దీనిపై స్పందించిన యువీ తాను వెబ్ సిరీస్‌లో నటించట్లేదని చెప్పాడు. తాను నటించడంలేదని.. తాను నటిస్తున్నట్టుగా వస్తున్న వార్తలన్నీ పచ్చి అబద్ధం అంటూ తేల్చేశారు. మీడియాలో ఉన్న స్నేహితులు ఇది సరిదిద్దుకోవాలని సూచించాడు.