సెహ్వాగ్ తలజుట్టు కంటే నా వద్ద డబ్బెక్కువ వుంది.. అక్తర్ సెటైర్లు

సోషల్ మీడియాలో ఎప్పుడూ యాక్టివ్‌గా వుండే వీరేంద్ర సెహ్వాగ్ సెటైర్లు వేయడంలో కింగ్. ట్విట్టర్లో చమత్కారవంతమైన ట్వీట్ చేయడంలో దిట్ట. అలాంటి వ్యక్తి నిన్నటికి నిన్న టీమిండియా మాజీ కెప్టెన్ మహేంద్ర సింగ్ ధోనీ రిటైర్మెంట్‌పై సెన్సేషనల్ కామెంట్స్ చేశాడు. 

ప్రస్తుతం పాకిస్థాన్ మాజీ క్రికెటర్ షోయబ్ అక్తర్ సెహ్వాగ్‌పై సెటైర్లు విసురుతూ ఓ ట్వీట్ చేశాడు. ప్రస్తుతం ఆ ట్వీట్ వైరల్ అవుతోంది. సెహ్వాగ్ తల జుట్టుకంటే తన వద్ద అధికంగా ధనం వుందని సెటైర్లు విసురుతూ ఓ వీడియోను పోస్టు చేశాడు. మూడేళ్ల క్రితం వీరేంద్ర సెహ్వాగ్.. షోయబ్ అక్తర్‌ను ఏకిపారేస్తూ కామెంట్లు చేశాడు. షోయబ్‌కు ధనం కావాల్సి వుండటంతోనే భారత్‌పై ప్రశంసలు కురిపిస్తున్నాడని ఎద్దేవా చేశాడు. 

ఈ కామెంట్లకు బదులిచ్చిన అక్తర్ తాజాగా ఓ వీడియోను పోస్టు చేశాడు. మిత్రుడు సెహ్వాగ్ తలజుట్టు కంటే తన వద్ద అధిక మొత్తం ధనం వుందని సెటైర్లు విసిరాడు. ఈ వీడియో ద్వారా సెహ్వాగ్ తలలో జుట్టులేదనే విషయాన్ని ఎద్దేవా చేశాడు. అయితే ఈ సెటైర్‌ను కామెడీగా తీసుకోవాలని సూచించాడు అక్తర్. మరి ఈ వీడియోను సెహ్వాగ్ లైట్‌గా తీసుకుంటాడో లేదో తెలియాలంటే వేచి చూడాలి.