శ్రీశాంత్‌పై సచిన్ స్పందించాడు.. నేనెప్పుడూ టాలెంట్ ఉన్న బౌలర్‌గా..?

sachin

కేరళ స్పీడ్‌స్టర్ శ్రీశాంత్ రిటైర్మెంట్‌పై క్రికెట్ గాడ్ సచిన్ టెండూల్కర్ స్పందించాడు. శ్రీశాంత్‌ను తానెప్పుడూ టాలెంట్ ఉన్న బౌలర్‌గానే చూశానని సచిన్ పేర్కొన్నాడు. అదే విధంగా భారత్‌కు ఆరేళ్ల పాటు ప్రాతినిధ్యం వహించినందుకు కంగ్రాట్స్ చెప్పాడు. 

నాగ్‌పూర్ వేదికగా 2005లో శ్రీలంకతో జరిగిన వన్డే మ్యాచ్ ద్వారా శ్రీశాంత్ టీమిండియా తరఫున అరంగేట్రం చేశాడు. ఇక భారత్ తరఫున చివరి మ్యాచ్‌ను 2011 ఆగస్టులో ఇంగ్లండ్‌తో ఆడాడు. శ్రీశాంత్ తన కెరీర్‌లో 27 టెస్టులు, 53 వన్డేలు, 10 టి20లు ఆడాడు. 

టెస్టుల్లో 87, వన్డేల్లో 75, టి20ల్లో 7 వికెట్లు తీశాడు. అయితే 2013లో వెలుగులోకి వచ్చిన స్పాట్ ఫిక్సింగ్ ఉదంతంతో శ్రీశాంత్ కెరీర్ నాశనం అయ్యింది. స్పాట్ ఫిక్సింగ్ కారణంగా శ్రీశాంత్ జీవిత కాల నిషేధానికి గురయ్యాడు. 

అనంతరం కోర్టుకు వెళ్లిన అతడికి అక్కడ ఊరట లభించడంతో మళ్లీ బంతి పట్టి దేశవాళీ క్రికెట్ ఆడటం మొదలు పెట్టాడు. కేరళ తరఫున ఈ ఏడాది రంజీల్లో ఒక మ్యాచ్ ఆడాడు. మేఘాలయతో జరిగిన మ్యాచ్ లో రెండు వికెట్లు తీశాడు. అయితే వయసు మీద పడటంతో శ్రీశాంత్ రిటైర్మెంట్ ప్రకటించాడు.