Webdunia - Bharat's app for daily news and videos

Install App

గంభీర్ గొప్ప మనసు - పని మనిషికి అంత్యక్రియలు నిర్వహించిన ఎంపీ

Webdunia
శుక్రవారం, 24 ఏప్రియల్ 2020 (16:10 IST)
సాధారణంగా తమ ఇంట్లో పని చేసేవారు చనిపోతే ఆ కుటుంబానికి కొంత డబ్బు ఇచ్చి చేతులు దులుపుకుంటారు. కానీ, బీజేపీ ఎంపీగా ఉన్న మాజీ క్రికెటర్ గౌతం గంభీర్ మరోమారు తన పెద్ద మనసును చాటుకున్నాడు. చనిపోయిన పని మనిషి అంత్యక్రియలను దగ్గరుండిమరీ జరిపించాడు. పైగా, ఆమె మా ఇంటి పనిమనిషికాదనీ.. తమ కుటుంబ సభ్యురాలు అంటూ ట్వీట్ చేసి తనలోని మానవత్వాన్ని మరోమారు నిరూపించుకున్నాడు. 
 
ఒరిస్సా రాష్ట్రంలోని జాజ్‌పూర్ జిల్లాకు చెందిన సరస్వతి పాత్రా(49) అనే మహిళ గత ఆరేళ్లుగా గంభీర్‌ ఇంట్లో పనిచేస్తున్నారు. డయాబెటీస్‌, బీపీ తదితర అనారోగ్య సమస్యలతో బాధపడుతున్న ఆమె.. కొన్ని రోజుల క్రితం ఢిల్లీలోని సర్ గంగారామ్ ఆస్పత్రిలో చేరి చికిత్స పొందుతూ వచ్చింది. అయితే, ఈమె ఈ నెల 21వ తేదీన కన్నుమూసింది. 
 
ప్రస్తుతం కరోనా నియంత్రణ చర్యల్లో భాగంగా దేశ వ్యాప్తంగా లాక్‌డౌన్‌ అమల్లో ఉండడంతో ఆమె మృతదేహాన్ని స్వగ్రామానికి తీసుకెళ్లడం వీలుపడలేదు. ఈ విషయాన్ని ఆమె కుటుంబ సభ్యులు గంభీర్ దృష్టికి తీసుకొచ్చారు. వారి మాటలకు చలించిపోయిన గంభీర్... కన్నీటి పర్యంతమయ్యారు. ఆ తర్వాత స్వయంగా తానే సరస్వతి పాత్రా అంత్యక్రియలను నిర్వహించారు.
 
దీనిపై గంభీర్ ట్విట్టర్‌లో స్పందించారు. "నా చిన్నారులను జాగ్రత్తగా చూసుకునే ఆమె.. ఎన్నటికీ పనిమనిషి కారు. తను మా కుటుంబంలో సభ్యురాలు. ఆమె అంత్యక్రియలు నిర్వహించడం నా బాధ్యత. ఇలాంటి విపత్కర పరిస్థితుల్లో ఆమె అంత్యక్రియలు నిర్వహించడం నా బాధ్యత. కులం, మతం, సామాజిక హోదా ఏదీ పట్టించుకోలేదు. వ్యక్తిత్వాన్ని గౌరవించాను. మెరుగైన సమాజాన్ని నిర్మించేందుకు ఇంతకంటే మంచి మార్గం లేదు. నా దృష్టిలో అదే నిజమైన భారత్‌! ఓం శాంతి" అని ట్వీట్‌ చేశారు
 
గంభీర్ ట్వీట్‌కు నెటిజన్లు ఫిదా అయిపోయారు. అలాగే, కేంద్ర మంత్రి ధర్మేద్ర ప్రదాన్ కూడా గంభీర్‌ చర్యను ప్రశంసించారు. ఇంట్లో పనిచేసే వారిని తన మనిషిగా చూడటమేకాకుండా ఆమె అంత్యక్రియలు కూడా నిర్వహించడం గంభీర్ గొప్పతనమని, ఆయన మానవతా దృష్టికి నిదర్శనమని అన్నారు. ఆయన వ్యవహరించిన తీరు ఎందరికో స్ఫూర్తినిస్తుందని ఆయన పేర్కొన్నారు.

 

సంబంధిత వార్తలు

అన్నీ చూడండి

తాజా వార్తలు

monkey: రూ.2లక్షల ఫోన్ ఎత్తుకెళ్లిన కోతి.. (video)

Chittoor man snake bite పాములకు అతనంటే చాలా ఇష్టం.. 30ఏళ్లుగా కాటేస్తూనే వున్నాయి..

సీఐడీ కస్టడీకి పోసాని కృష్ణమురళి.. ఒక రోజు విచారణకు అనుమతి!

ప్రభుత్వ కొలువున్న వరుడు కావలెను .. నల్లగా ఉన్నా ఫర్వాలేదంటున్న యువతి (Video)

ఇన్‌స్టాఖాతాలో మైనర్ బాలికలకు గాలం ... ఆపై వ్యభిచారం.. ఎక్కడ (Video)

అన్నీ చూడండి

టాలీవుడ్ లేటెస్ట్

రొమాంటిక్ థ్రిల్లర్ గా కిల్లర్ ఆర్టిస్ట్ సినిమా: ప్రొడ్యూసర్ జేమ్స్ వాట్ కొమ్ము

Parthiban : నటి సీత నాకు లైఫ్ ఇచ్చిందంటున్న పార్తీబన్, తెలుగులో రీ ఎంట్రీ

ఈ యేడాది ఆఖరులో సెట్స్‌పైకి 'కల్కి-2' : నాగ్ అశ్విన్

Mad Square: ఇది మాడ్ కాదు మాడ్ మ్యాక్స్ అంటూ మ్యాడ్ స్క్వేర్ నుంచి హుషారైన గీతం

సందీప్ రెడ్డి వంగా దర్శకత్వంలో ధోనీ! (Video)

తర్వాతి కథనం
Show comments