ఐసీసీ టెస్ట్ బౌలింగ్ ర్యాంకింగ్స్‌.. అగ్రస్థానంలో రవిచంద్రన్ అశ్విన్
బుధవారం, 13 మార్చి 2024 (19:42 IST)
ఐసీసీ పురుషుల టెస్ట్ బౌలింగ్ ర్యాంకింగ్స్‌లో భారత వెటరన్ ఆఫ్ స్పిన్నర్ రవిచంద్రన్ తిరిగి అగ్రస్థానానికి చేరుకున్నాడు. ఇంగ్లండ్‌తో ధర్మశాలలో జరిగిన మ్యాచ్‌లో భాగంగా తన 100వ టెస్టు ను పూర్తి చేసుకున్నాడు.
ఇంకా ఈ మ్యాచ్‌లో తొమ్మిది వికెట్లు సాధించాడు. తద్వారా ఐసిసి పురుషుల టెస్ట్ బౌలింగ్ ర్యాంకింగ్స్‌లో అశ్విన్ అగ్రస్థానంలో నిలిచాడు.
ఇంగ్లండ్‌పై 4-51, 5-77తో ఈ స్థానాన్ని తిరిగి కైవసం చేసుకున్నాడు. ఐదవ టెస్ట్‌లో భారత్ ఇన్నింగ్స్ 64 పరుగుల తేడాతో గెలిచి 4-1 సిరీస్ విజయాన్ని పూర్తి చేసింది. ఫలితంగా టీమిండియా కూడా ఐసీసీ వరల్డ్ టెస్టు ర్యాంకింగ్స్‌లో అగ్రస్థానాన్ని సొంతం చేసుకుంది.