భారత క్రికెట్ జట్టు కెప్టెన్ విరాట్ కోహ్లీ భావోద్వేగానికి గురయ్యాడు. తన చేతిని భార్య అనుష్క ముద్దాడిన వేళ ఆయన ఎమోషనల్ అయ్యారు. దీనికి సంబంధించిన వీడియో ఒకటి ఇపుడు సోషల్ మీడియాలో చక్కర్లు కొడుతోంది.
తాజాగా వెలుగులోకి వచ్చిన ఈ వివరాలను పరిశీలిస్తే, గురువారం ఢిల్లీలో డీడీసీఏ కార్యక్రమం జరిగింది. ఇందులో కేంద్ర హోం మంత్రి అమిత్ షాతో పాటు.. మరికొందరు క్రికెటర్లు కూడా పాల్గొన్నారు.
ఈ సందర్భంగా ఢిల్లీలోని ఫిరోజ్ షా కోట్లా అంతర్జాతీ క్రికెట్ స్టేడియానికి ఇటీవల అనారోగ్యంతో మరణించిన కేంద్ర మాజీ మంత్రి అరుణ్ జైట్లీ పేరును పెట్టారు. అలాగే, స్టేడియంలోని ఓ స్టాండ్‌కు విరాట్ కోహ్లీ పేరు పెట్టనున్నట్టు ప్రకటించారు.
ఆ సంద‌ర్భంలో విరాట్ ప‌క్క‌న కూర్చున్న అనుష్క అత‌ని చేతిని ముద్దాడి చాలా ఎమోషనల్ అయింది. ఆ స‌మ‌యంలో విరాట్ కూడా భావోద్వేగానికి గురై అనుష్క చేతిని గట్టిగా ప‌ట్టుకున్నాడు. ఈ స‌న్నివేశం కెమెరాల‌లో రికార్డ్ కాగా, ప్ర‌స్తుతం సోషల్ మీడియాలో వైర‌ల్ అవుతుంది.
విరాట్ కోహ్లీ ఈ నెల 15వ తేదీ నుంచి ద‌క్షిణాఫ్రికాతో జ‌ర‌గ‌నున్న సిరీస్ కోసం సిద్ధం అవుతున్నాడు. ఇక అనుష్క "జీరో" సినిమా త‌ర్వాత ఏ ప్రాజెక్ట్ అనౌన్స్ చేయ‌క‌పోగా, తన భ‌ర్త‌తో క‌లిసి ఆనంద క్ష‌ణాలు గడుపుతుంది.