కోడిగుడ్డు పెంకుని మెత్తగా పొడిచేసి...?

ఎప్పుడూ ఆరోగ్యంగా ఉండాలని ఎంత తాపత్రయముంటుందో.. అదే విధంగా వంటకాలు తయారుచేయాలని ఉంటుంది. మనం చేసే వంట శుభ్రం, రుచిగా ఉంటేనే అవి మంచి ఫలితాలు కల్పిస్తాయి. లేదంటే.. మనం చెప్పలేం. కనుక, ఈ చిన్న పాటి చిట్కాలు పాటించి.. శుభ్రమైన ఆహారాన్ని తయారుచేసుకోవచ్చును. మరి అవేంటో ఓసారి...

1. ఆమ్లేట్ వేసేముందు పెనం మీదు కొద్దిగా ఉప్పు చల్లుకుంటే.. అంటుకోకుండా ఉంటుంది. ఆమ్లేట్ వేసేటప్పుడు కొద్దిగా శెనగపిండి, కొబ్బరికోరు, మసాలా పొడి వేస్తే ఎంతో రుచికరంగా ఉంటుంది.

2. అన్నం వార్చినపుడు వచ్చిన గంజిలో చాలా విటమిన్స్ ఉంటాయి. చలికాలం అయితే అందులో కాస్త తేనె, నారింజ రసం కలుపుకుని తీసుకుంటే మంచిది. 

3. బిర్యానీ వండేటప్పుడు ఒక నిమ్మకాయరసం పిండితే అన్నం గడ్డలుగా కాకుండా పొడిపొడిగా ఉంటుంది. పులిహోర వంటివి పొడిపొడిగా ఉండాలంటే.. వండేటప్పుడు స్పూన్ వెన్న చేర్చి చూడండి.

4. పూరీలు మెత్తగా అవకుండా బాగా పొంగి ఉండాలంటే.. గోధుమపిండిలో గుప్పెడు బొంబాయి రవ్వ లేదా బియ్యం పిండి కలుపుకుంటే చాలు.

5. కోడిగుడ్డు పెంకుని మెత్తగా పొడిచేసి, ప్లాస్కులో వేసి, ఓ గ్లాస్ నీళ్ళుపోసి, బాగా కదపండి. ప్లాస్కు కొత్తదానిలా మెరిసిపోతుంది. టమోటాకూర ఉడికేటప్పుడు చిటికెడు పంచదార వేస్తే కూర కమ్మని వాసన వస్తుంది.