స్టాఫ్‌ సెలక్షన్‌ కమిషన్‌ వివిధ కేంద్ర ప్రభుత్వ మంత్రిత్వ శాఖల్లోని 334 కేటగిరీల్లో ఫేజ్‌-10 సెలక్షన్‌ పోస్టుల భర్తీకి దరఖాస్తులు కోరుతూ నోటిఫికేస‌న్ జారీ చేసింది.
భారత ప్రభుత్వ పర్సనల్‌ అండ్‌ ట్రైనింగ్‌ విభాగానికి చెందిన న్యూఢిల్లీలోని స్టాఫ్‌ సెలక్షన్‌ కమిషన్‌ (ఎస్ఎస్‌స్సీ) కేంద్ర ప్రభుత్వ మంత్రిత్వశాఖలు/ విభాగాలు/ సంస్థల్లోని 334 కేటగిరీల్లో ఫేజ్‌-10 సెలక్షన్‌ పోస్టుల భర్తీకి దరఖాస్తులు కోరుతూ నోటిఫికేస‌న్ విడుదల చేసింది. ఈ నోటిఫికేస‌న్ ద్వారా మొత్తం 1920 పోస్టులను భర్తీ చేయనుంది.
ఈ పోస్టులకు సంబంధించిన దరఖాస్తు ప్రక్రియ మే 12 నుంచి ప్రారంభమవుతుంది. ఆసక్తి కలిగిన అభ్యర్ధులు అధికారిక వెబ్‌సైట్‌ https://ssc.nic.in/ ద్వారా ఆన్‌లైన్‌ విధానంలో దరఖాస్తు చేసుకోవచ్చు. జూన్‌ 13 రాత్రి 11 గంటల 30 నిముషాల వరకు దరఖాస్తు చేసుకోవచ్చు.
ఇక.. ఈ పోస్టులకు సంబంధించి.. కంప్యూటర్‌ బేస్డ్‌ ఎగ్జామినేషన్‌ (రాత పరీక్ష) ఆధారంగా అభ్యర్ధులను ఎంపిక చేస్తారు. ఈ ఉద్యోగాలకు సంబంధించిన అర్హతలు తదితర పూర్తివివరాలతో కూడిన పూర్తిస్థాయి ప్రకటన త్వరలో వెబ్‌సైట్‌లో అందుబాటులో ఉంచనున్నారు.