ఇది నిజమా? లేకుంటే కలయా? అనే డౌట్ రాక తప్పదు. అత్యంత సంపన్నుడు ముకేష్ అంబానీ ఆస్తి ఆవిరైందంటే నమ్ముతారా? నమ్మి తీరాల్సిందే. ఒకటి కాదు.. రెండు కాదు.. లక్ష కోట్ల సంపద గంగలో కలిసింది. పదమూడున్నర లక్షల కోట్ల నుంచి పన్నెండున్నర లక్షల కోట్లకి చేరింది ముఖేశ్ అంబానీ ఆస్తి. ఆసియ అపర కుబేరుల్లో టాప్‌లో ఉండే అంబానీ ఆస్తి లక్ష కోట్లు తగ్గిందంటే ఉత్తి మాటలు కావు.
అయితే ఇలా ఎందుకు జరిగిందంటే? అంతా కరోనా వల్లే. కంటికి కనిపించకుండానే లక్షల కోట్లు మింగేసింది కోవిడ్. ఇప్పుడు అంబానీ ఆస్తి కరిగి పోవడానికి కూడా ఆ కరోనానే కారణం. లాక్ డౌన్ కాలంలో జనాలు ఇంటికే పరిమితం అయ్యారు. దీంతో ఇంధన డిమాండ్ తగ్గిపోయి.. షేర్లు అన్నీ డౌన్ అయిపోయాయి.
ఇప్పటికీ షేర్లు నష్టాల్లోనే ఉన్నాయని తెలిసింది. ఇంకో విషయం ఏందంటే టాప్ బిలినియర్లలో ఆరో ప్లేస్‌లో ఉన్న అంబానీ.. ఏకంగా తొమ్మిదో ప్లేస్‌కి వచ్చేశారని రిపోర్టును బట్టి తెలుస్తోంది. మొత్తానికి కరోనా సామాన్యుల నుంచి సంపన్నుల వరకు ఓ ఆట ఆడుకుంటుందనే చెప్పాలి.