Webdunia - Bharat's app for daily news and videos

Install App

ఎంజి మోటార్ ఇండియా మొదటి ఎస్‌యువి “ఎంజి హెక్టర్”

Webdunia
బుధవారం, 9 జనవరి 2019 (17:58 IST)
ఎంతోకాలంగా ఎదురుచూస్తున్న ఎస్‌యువికి ఎంజి(మారిస్ గరాజస్) మోటార్ ఇండియా నేడు ‘హెక్టర్’ అని పేరుపెట్టింది. ఈ ఏడాది మధ్యలో దీన్ని మార్కెట్‌లోకి విడుదల చేయనున్నారు. ట్రాయ్ యుద్దవీరుడైన యువరాజు హెక్టర్ స్ఫూర్తితో ఈ ఉత్తమ శ్రేణి వాహనానికి ఈ పేరు పెట్టారు. బలానికి, ధైర్యానికి, అదేసమయంలో నమ్మకానికి, విశ్వసనీయతకు హెక్టర్ ప్రతీక. అంతేకాదు, ఎంజిఎస్ యువి వాహనం స్వరూపం, ఆకారం, ఆకృతుల్లో కూడా ఈ విలువలను పుణికిపుచ్చుకుంది.
 
1930లలో బ్రిటిష్ వైమానిక దళం వాడిన, బ్రిటిష్ వారి మహోన్నత ఇంజనీరింగ్ సంప్రదాయానికి చిహ్నమైన రాయల్ హెక్టర్ బైప్లేన్ రాయల్ హెక్టర్ స్మ్రుతి సూచకంగా కూడా ఎంజి ఈ పేరును ఖరారు చేసింది. గుజరాత్ లోని హలోల్‌లో గల కంపెనీ అధునాతన కర్మాగారంలో 2019 రెండవ త్రైమాసికంలో ఎంజి హెక్టర్ ఉత్పత్తి ప్రారంభమవుతుంది. 75శాతానికి పైగా స్థానిక ఉత్పత్తితో ప్రారంభించి అత్యుత్తమ ప్రమాణాలతో కంపెనీ అంతకంతకూ వృద్ధి చెందుతున్న ఖరీదైన ఎస్‌యువిల విభాగంలో తనదైన ముద్ర వేయాలని లక్ష్యంగా పెట్టుకుంది.
 
“అంతర్జాతీయ అనుభవం ఆధారంగా వాహనం విశిష్టతలకు అధిక ప్రాధాన్యం ఇస్తూ మారుతున్న వినియోగదారుల అభిరుచులకు, భారతీయ రహదారుల స్థితిగతులకు అనుగుణంగా హెక్టర్ యాంత్రిక వ్యవస్థల్లో గణనీయమైన మార్పులు చేశాం.2019 మే నాటికి 100 అమ్మకం, సర్వీసు కేంద్రాలు ఏర్పాటు చేసి, హెక్టర్‌తో మార్కెట్ ఆశలను, ఆకాంక్షలను మించిపోగలమన్న విశ్వాసం మాకు ఉంది,” అని చెప్పారు ఎంజి మోటార్ ఇండియా అధ్యక్షుడు, మేనేజింగ్ డైరెక్టర్ రాజీవ్ చాబా.
 
భావి కొనుగోలుదారులకు చేరువకావడానికి ఎంజి మోటార్ ఇప్పటికే తన అంతర్జాతీయ వాహనాలను దేశంలోని 10 కి పైగా నగరాల్లో ప్రదర్శిస్తోంది. అలాగే ఇటీవల తమ వెబ్ సైట్‌ను పునర్వ్యవస్థీకరించి వినియోగదారులకు ఘన చరిత్ర కలిగిన ఈ బ్రిటిష్ బ్రాండ్ గురించి, హెక్టర్ ఎస్ యువి గురించి తాజా సమాచారాన్ని అందిస్తోంది.

సంబంధిత వార్తలు

అన్నీ చూడండి

టాలీవుడ్ లేటెస్ట్

Allu Arjun: తెలంగాణ సీఎం రేవంత్ రెడ్డి ముందే పుష్ప-2 డైలాగ్ చెప్పిన అల్జు అర్జున్ (video)

Anirudh Ravichander: కావ్య మారన్‌ను వివాహం చేసుకోబోతున్న అనిరుధ్?

Manchu Lakshmi: నేను లండన్ వెళ్లలేదు.. ముంబై వెళ్ళాను.. మంచు లక్ష్మి (video)

Prabhas: ప్రభాస్, మారుతీ, థమన్ నవ్వులోంచి రాజా సాబ్ టీజర్ రాబోతుంది

తెలంగాణ గద్దర్‌ ఫిల్మ్‌ అవార్డ్స్‌ వేడుకను విజయంవంతం చేయాలి :దిల్‌ రాజు

అన్నీ చూడండి

ఆరోగ్యం ఇంకా...

ఉదయాన్నే గోరువెచ్చని మంచినీటిని తాగితే?

జామ ఆకుల టీ తాగితే?

ఇది షాకింగ్ వార్తే.. ఆల్కహాల్‌ కాలేయ వ్యాధులు.. మృతుల్లో మహిళలే ఎక్కువ

టీలో కల్తీని ఎలా కనుగొనాలి? ప్రతి వినియోగదారుడు తప్పనిసరిగా తెలుసుకోవలసినది

కొలెస్ట్రాల్ వెన్నలా కరిగిపోవాలంటే ఇది తాగాల్సిందే

తర్వాతి కథనం
Show comments