ఔరంగాబాద్‌లో 120 ఎకరాల ప్లాట్‌ను కొనుగోలుకి మహారాష్ట్ర ప్రభుత్వంతో లుబ్రిజోల్ అవగాహన ఒప్పందం

స్పెషాలిటీ కెమికల్స్‌లో గ్లోబల్ లీడర్ అయిన లుబ్రిజోల్ కార్పొరేషన్, భారతదేశంలోని ఔరంగాబాద్‌లో 120 ఎకరాల ప్లాట్‌ను కొనుగోలు చేయడానికి అవగాహన ఒప్పందంపై సంతకం చేసినట్లు ఈ రోజు ప్రకటించింది. అక్కడ కొత్త తయారీ యూనిట్‌ను నిర్మించాలని యోచిస్తోంది. ప్రాజెక్ట్ యొక్క తొలి  దశలో సుమారుగా 200 మిలియన్ డాలర్ల పెట్టుబడిని పెట్టనున్నారు. ఇది భారతదేశంలో కంపెనీ యొక్క అతిపెద్ద పెట్టుబడి. ఈ ప్లాంట్ ప్రపంచవ్యాప్తంగా కంపెనీకి రెండవ అతిపెద్ద తయారీ కేంద్రం అవుతుంది.  

లుబ్రిజోల్ అడిటివ్స్ ప్రెసిడెంట్ ఫ్లావియో క్లిగెర్ మాట్లాడుతూ, ఐదు దశాబ్దాలుగా భారతదేశంలో లుబ్రిజోల్ అర్థవంతమైన పెట్టుబడులు పెట్టిందని అన్నారు. ఈ కొత్త అత్యాధునిక తయారీ సదుపాయం మా స్థానిక సామర్థ్యాన్ని మెరుగుపరుచుకునేందుకు, భవిష్యత్తులో ఇతర లూబ్రిజోల్ వ్యాపారాలు, ప్రాంతాలకు మద్దతు ఇచ్చే సామర్థ్యంతో మా అడిటివ్స్ వ్యాపారం కోసం సామర్థ్యాలను మెరుగుపరచడానికి అనుమతిస్తుంది" అని అన్నారు. 

"భారతదేశం ఆధారిత తయారీ నుండి ప్రాంతీయ ఆవిష్కరణల వరకు, స్థానిక ప్రతిభావంతులపై పెట్టుబడులు పెట్టడం వరకు లోకల్ ఫర్ లోకల్ విధానం యొక్క ఆవశ్యకతను లుబ్రిజోల్ అర్ధం చేసుకుంది" అని లుబ్రిజోల్ ఐఎంఈఏ (భారతదేశం, మధ్యప్రాచ్యం, ఆఫ్రికా) మేనేజింగ్ డైరెక్టర్ భావన బింద్రా చెప్పారు. 

"ఈ ప్రకటన మా ఉద్యోగులు, మా భాగస్వాములు, ప్రాంతంలోని మా కస్టమర్‌ల పట్ల మా నిరంతర నిబద్ధతను నొక్కి చెబుతుంది" అని లుబ్రిజోల్ అడిటివ్స్ ఐఎంఈఏ వైస్ ప్రెసిడెంట్- లుబ్రిజోల్ ఇండియా ప్రైవేట్ లిమిటెడ్ చైర్మన్ & మేనేజింగ్ డైరెక్టర్ నితిన్ మెంగి అన్నారు. "భారతదేశంలో పెరుగుతున్న రవాణా- పారిశ్రామిక మార్కెట్లు అద్భుతమైన అవకాశాన్ని సూచిస్తున్నాయి. ఈ పరిశ్రమల ఉజ్వల భవిష్యత్తులో భాగమైనందుకు లూబ్రిజోల్ థ్రిల్‌గా ఉంది" అని అన్నారు. 

భారతదేశంలో డిమాండ్‌కు మద్దతు ఇవ్వడంతో పాటు, ఈ సైట్ చుట్టుపక్కల దేశాలకు, ఇతర లూబ్రిజోల్ సైట్‌లకు ఎగుమతి అవకాశాన్ని కల్పిస్తుంది. ఈ సైట్‌లో తయారీ కార్యక్రమాలు ప్రారంభం 2028లో లూబ్రిజోల్ 100వ వార్షికోత్సవంతో సమానంగా ఉంటుందని భావిస్తున్నారు.