ఐసు ముక్కలతో ముఖాన్ని రుద్దితే వృద్ధాప్య ఛాయలు దరిచేరవని చెపుతుంటారు. అంతేకాదు ఐసు ముక్కలతో ఇంకా ఎన్నో ప్రయోజనాలున్నాయి. అవేంటో చూద్దాం.
1. మేకప్ వేసుకునే ముందు ఐస్ ముక్కను ముఖానికి రాసుకోవాలి. ఆ తర్వాత క్రీమును రాసుకుంటే అది చర్మం పైన బిగుతుగా అవుతుంది. దీనితో అక్కడి కణాలన్నీ ఉత్తేజితమవుతాయి.
2. కంటి కింద ఐసు ముక్కతో మృదువుగా రాస్తే నల్లని వలయాలు తగ్గిపోతాయి.
3. ముఖం జిడ్డుగా వుంటే బయటి మలినాలు తేలికంగా చర్మంలోకి ఇంకిపోతాయి. మొటిమలు, మచ్చలు వస్తాయి. ఈ సమస్య దరిచేరకుండా వుండాలంటే ముఖానికి ఐసు ముక్కతో మర్దన చేయాలి.
4. నిద్రలేమితో బాధపడేవారు లేదంటే ఎక్కువ పని గంటలు కంప్యూటర్ పైన పని చేసినప్పుడు కళ్లు అలసిపోతాయి. కళ్ల కింద చర్మంలో నీరు చేరుతుంది. అక్కడ ఉబ్బినట్లవుతుంది. ఇలాంటప్పుడు ఐస్ క్యూబులను కంటి చుట్టూ చర్మంపై నెమ్మదిగా రాస్తే ఉపశమనం కలుగుతుంది.
5. పెదవులపై చర్మం పొడిబారినట్లు వుంటే వాటిపై ఐసు ముక్కతో మృదువుగా రాస్తే సమస్య తగ్గిపోతుంది.