రోజూ రాత్రి కీరదోస రసంతో ఇలా చేస్తే..?

ఈ వేసవి కాలం వచ్చిదంటే చాలు చెమట ఎక్కువగా పట్టేస్తుంది. కొందరికి ముఖంపై చెమట కారుతూ వేసుకున్న మేకప్ కూడా పోతుంది. ఇది వారికి చిన్న సమస్యయే అయినా చాలావరకు చికాకును కలిగిస్తుంది. అలాంటి వారు వేసవిలో ఈ చిన్నపాటి చిట్కాలు పాటించడం ద్వారా చెమట ఎక్కువ పట్టకుండా కంట్రోల్ చేసుకోవచ్చు.

చాలామంది తరచు స్నానం చేసేటప్పుడు లేదా రాత్రి పడుకునేముందు రోజులో మూడు నుండి 5 సార్లు చల్లని నీటితో ముఖం శుభ్రం చేసుకోవాలి. ఇలా క్రమంగా చేయడం వలన చర్మరంధ్రాల్లోని వేడిని తగ్గించడమే కాకుండా.. ఎక్కువగా చెమట బయటకు రాదు. అంతేకాకుండా చర్మం కాంతివంతంగా, తాజాగా కనిపిస్తుంది.

ఎక్కడికైనా బయటకు వెళ్లేటప్పుడు వేసవిలో వాడే టాల్కమ్ పౌడర్ కొద్దిగా ముఖానికి రాసుకుంటే మంచిది. పౌడర్ వాడడం వలన ముఖంలో అధికంగా వచ్చే చెమటను అడ్డుకుంటుంది. కనుక అసౌకర్యం కలగదు. ఒకవేళ అలా కాదనుకుంటే.. రోజూ రాత్రి నిద్రించే సమయంలో కీర దోసకాయల రసాన్ని ముఖానికి రాసుకోవాలి. ఇలా రోజూ చేస్తుంటే.. ముఖానికి చెమట పట్టడం తగ్గుతుంది. 

చివరగా ఫేషియల్ స్వెట్టింగ్ తగ్గించాలంటే.. మరో చిట్కా ఉంది. అదేనండి.. ఐస్‌క్యూబ్స్. వీటిని ఒక వస్త్రంలో చుట్టి ముఖం మీద తరుచు మర్దన చేసుకుంటూ ఉండాలి. ఇలా చేస్తుంటే.. హాయిగా ఉండడంతో పాటు ఎక్కువ చెమట పట్టడం తగ్గుతుంది.