ఆఫీసుల్లో టెన్ష‌న్ టెన్ష‌న్‌గా ఉన్నారా? ఓ చిన్న బెల్లం ముక్కను?

అవును.. కిడ్నీలో రాళ్లు ఏర్పడే సమస్యను బెల్లం తొలగిస్తుంది. బెల్లం పోషకాల గని అని పోషకాహార నిపుణులు సూచిస్తున్నారు. బెల్లం శరీరానికి కావలసిన తక్షణ శక్తినిచ్చి అలసటను దూరం చేస్తుంది.

అవును.. కిడ్నీలో రాళ్లు ఏర్పడే సమస్యను బెల్లం తొలగిస్తుంది. బెల్లం పోషకాల గని అని పోషకాహార నిపుణులు సూచిస్తున్నారు. బెల్లం శరీరానికి కావలసిన తక్షణ శక్తినిచ్చి అలసటను దూరం చేస్తుంది. టీలో పంచదారకు బదులు చెంచా బెల్లం పొడి వాడటం వల్ల మధుమేహ సమస్య వుండదు. బెల్లంలోని పొటాషియం రక్తపోటు నివారణ, నియంత్రణకు బెల్లం ఎంతగానో దోహదపడుతుంది. 

మానసిక ఒత్తిడిని దూరం చేసి కంటి నిండా కునుకు పట్టటానికీ ఇందులోని పొటాషియం ఉపయోగపడుతుంది. పిల్లల ఎదుగుదలకు, ఎముకలు బలంగా ఉండటానికీ బెల్లంలోని క్యాల్షియం ఎంతగానో ఉపయోగపడుతుంది. 30 దాటిన మహిళలు బెల్లంను డైట్‌లో చేర్చుకోవాలి. రక్తహీనత  బాధితులు రోజూ 50 గ్రాములు బెల్లం తింటే తగినంత ఐరన్ అందుతుంది. తద్వారా రక్తహీనత దూరమవుతుందని ఆయుర్వేద నిపుణులు సూచిస్తున్నారు. 

ముఖ్యంగా వర్షాకాలం, చ‌లికాలంలో బెల్లం తిన‌డం ఆరోగ్యానికి ఎంతో మంచిది‌. తద్వారా శ‌రీరానికి కావాలసిన వేడి అందుతుంద‌ని, ఎన్నోరకాల వ్యాధులను నిరోధించే శక్తి బెల్లాని వుందని పోషకాహార నిపుణులు చెప్తున్నారు. 

ముఖ్యంగా గ‌ర్భ‌వ‌తి అయిన స్త్రీలు బెల్లాన్ని తీసుకుంటే ఎంతో మంచిది. వర్షాకాలం, చ‌లికాలంలో ద‌గ్గు, జలుబు లాంటి ఎన్నో రోగాల‌ను నిరోధించే శ‌క్తి బెల్లానికి ఉంది. చిటికెడు బెల్లం ముక్క నోట్లో వేసుకుంటే చాలు... ర‌క్త‌ప్ర‌స‌ర‌ణ బాగా జ‌రుగుతుంద‌ట‌. రోజంతా ఆఫీసుల్లో టెన్ష‌న్ టెన్ష‌న్‌గా ఉన్నవారికి బెల్లం ఎంతో మంచిద‌ని ఆయుర్వేద నిపుణులు సూచిస్తున్నారు. ఆఫీసులో ఓ చిన్న బెల్లం ముక్కను నోటిలో వేసుకుంటే టెన్షన్ ఇట్టే తగ్గిపోతుందని వారు అంటున్నారు.