30-01-2025 గురువారం దినఫలితాలు : ఆలోచనలు కార్యరూపం దాల్చుతాయి...

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం

రావలసిన ధనం అందుతుంది. ఖర్చులు సామాన్యం. ఆప్తులకు సాయం చేస్తారు. పనులు చురుకుగా సాగుతాయి. గృహం ప్రశాంతంగా ఉంటుంది. కుటుంబ సౌఖ్యం పొందుతారు. ఆలోచనలు కార్యరూపం దాల్చుతాయి. పెద్దలతో సంప్రదింపులు జరుపుతారు.

వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు

కార్యక్రమాలు నిరాటంకంగా సాగుతాయి. వ్యతిరేకులను ఆకట్టుకుంటారు. బంధువులతో సంభాషిస్తారు. మీ జోక్యం అనివార్యం. మీ సలహా అందరికీ ఆమోదయోగ్యమవుతుంది. పనులు హడావుడిగా సాగుతాయి. గృహాలంకరణ వస్తువులు కొనుగోలు చేస్తారు. 

మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు

శ్రమతో కూడిన ఫలితాలున్నాయి. రుణ ఒత్తిళ్లు తొలగుతాయి. ఖర్చులు సామాన్యం. నగదు డ్రా చేసేటపుడు జాగ్రత్త. ప్రణాళికాబద్ధంగా పనులు పూర్తిచేస్తారు. ముఖ్యుల కలయిక వీలుపడదు. కార్యక్రమాలు వాయిదా వేసుకుంటారు. ఒక సమాచారం ఊరటనిస్తుంది.

కర్కాటకం : పునర్వసు 4వ పాదం, పుష్యమి, ఆశ్లేష

ఏకాగ్రతతో మెలగండి. యాదృచ్ఛికంగా తప్పులు దొర్లే ఆస్కారం ఉంది. సన్నిహితుల సాయంతో ఒక సమస్య సద్దుమణుగుతుంది. దుబారా ఖర్చులు విపరీతం. మొక్కుబడిగా పనులు పూర్తి చేస్తారు. అప్రియమైన వార్త వింటారు. ప్రయాణం విరమించుకుంటారు.

సింహం : మఖ, పుబ్బ, ఉత్తర 1వ పాదం

లావాదేవీల్లో ఏకాగ్రత వహించండి. అనాలోచిత నిర్ణయాలు తగవు. ఖర్చులు అంచనాలను మించుతాయి. అవసరాలు నెరవేరవు. ఒక సమాచారం ఆలోచింపచేస్తుంది. దంపతుల మధ్య సఖ్యత లోపం. సౌమ్యంగా మెలగండి. కీలక పత్రాలు అందుకుంటారు. 

కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు

వ్యవహారానుకూలత ఉంది. కీలక విషయాలపై పట్టు సాధిస్తారు. యత్నాలకు అదృష్టం కలిసివస్తుంది. కొన్ని విషయాలు ఊహించినట్టే జరుగుతాయి. ప్రణాళికలు వేసుకుంటారు. ప్రముఖులతో పరిచయాలేర్పడతాయి. మీ బలహీనతలు అదుపులో ఉంచుకోండి. 

తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు

విమర్శలకు ధీటుగా స్పందిస్తారు. ఒక సమాచారం ఉత్తేజాన్నిస్తుంది. కొత్త యత్నాలు మొదలెడతారు. మీ కష్టం ఫలిస్తుంది. ఖర్చులు విపరీతం. చెల్లింపుల్లో జాగ్రత్త. పత్రాలు అందుకుంటారు. పనులు హడావుడిగా సాగుతాయి. పుణ్యకార్యంలో పాల్గొంటారు.

వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు

ఆశావహదృక్పథంతో మెలగండి. యత్నాలు విరమించుకోవద్దు. ఆప్తులతో కాలక్షేపం చేస్తారు. గృహంలో స్తబ్ధత తొలగుతుంది. పనులు సకాలంలో పూర్తిచేస్తారు. ఫోన్ సందేశాలను పట్టించుకోవద్దు. పాతమిత్రులు తారసపడతారు. వేడుకకు హాజరవుతారు. 

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం

లావాదేవీల్లో తప్పటడుగు వేస్తారు. కొత్త సమస్యలు తలెత్తుతాయి. అన్యమస్కంగా గడుపుతారు. మనస్సుకు నచ్చిన వారితో కాలక్షేపం చేయండి. దుబారా ఖర్చులు తగ్గించుకుంటారు. మీ శ్రీమతి వైఖరిలో మార్పు వస్తుంది. ఆగిపోయిన పనులు పూర్తిచేస్తారు. 

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు

వివాదాస్పద విషయాల జోలికి పోవద్దు. మంచి చేయబోతే చెడు ఎదురవుతుంది. ఖర్చులు అధికం. ఆత్మీయులతో కాలక్షేపం చేస్తారు. పనులు వేగవంతమవుతాయి. పత్రాలు అందుకుంటారు. కొత్త పరిచయాలేర్పడతాయి. ఒక సమాచారం ఉత్సాహాన్నిస్తుంది. 

కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు

లావాదేవీలు కొలిక్కివస్తాయి. ఉత్సాహంగా యత్నాలు సాగిస్తారు. సమర్ధతకు గుర్తింపు లభిస్తుంది. ప్రముఖులకు చేరువవుతారు. సభ్యత్వాలు స్వీకరిస్తారు. వ్యతిరేకులతో జాగ్రత్త. విలాసాలకు విపరీతంగా ఖర్చుచేస్తారు. కొత్త ప్రదేశాలు, ఆలయాలు సందర్శిస్తారు.

మీనం : పూర్వాబాద్ర 4వ పాదం, ఉత్తరాబాద్ర, రేవతి

వ్యవహార పరిజ్ఞానంతో నెట్టుకొస్తారు. కార్యక్రమాలు విజయవంతమవుతాయి. ఖర్చులు సామాన్యం. కొత్తవ్యక్తులతో జాగ్రత్త. కొన్ని పనులు ఆకస్మికంగా పూర్తవుతాయి. స్థిరాస్తి కొనుగోలు దిశగా యత్నాలు సాగిస్తారు. పోగొట్టుకున్న పత్రాలు తిరిగి సంపాదిస్తారు.