26-06-2024 బుధవారం దినఫలాలు - లిటిగేషన్ వ్యవహారాల్లో జాగ్రత్త వహించండి...

శ్రీ క్రోధినామ సం|| జ్యేష్ట ఐ॥ పంచమి రా.11.08 ధనిష్ఠ ప.3.50 రా.వ.10.30 ల 11.59. ప.దు. 11.31 ల 12.23.

మేషం :- వస్త్ర, బంగారం, వెండి, ఫ్యాన్సీ రంగాల్లో వారికి ఒత్తిడి, పనిభారం అధికమవుతుంది. పారిశ్రామిక రంగాల వారికి ప్రభుత్వం నుంచి అభ్యంతరాలు ఎదురవుతాయి. మీ అంతరంగిక సమస్యలకు పరిష్కారం కానరాదు. రావలసిన ధనం వసూలులో కొంతమేరకు చేతికందుతుంది. ఎదుటివారితో ముక్తసరిగా సంభాషిస్తారు.

వృషభం :- వైద్య, ఇంజనీరింగ్ రంగంలో వారికి మెళుకువ అవసరం. లిటిగేషన్ వ్యవహారాల్లో జాగ్రత్త వహించండి. పత్రికా రంగంలోని వారికి కళాకారులకు రచయితలకు అనువైన సమయం. బంధు మిత్రుల రాకపోకలు అధికం. మందులు, ఎరువులు, రసాయన, ఫ్యాన్సీ, సుగంధ ద్రవ్య వ్యాపారులకు కలిసిరాగలదు.

మిథునం :- సిమెంట్, ఐరన్, కలప, ఇటుక వ్యాపారస్తులకు సామాన్యం. ఉమ్మడి వ్యాపారాల పట్ల ఏకాగ్రత అవసరం. కార్యసిద్ధికి ఓర్పు, పట్టుదలతో శ్రమించవలసి ఉంటుంది. ఉద్యోగస్తులు అధికారుల విషయంలో అప్రమత్తంగా వ్యవహరించవలసి ఉంటుంది. నిరుద్యోగులకు ఉపాధి పథకాల పట్ల ఆసక్తి పెరుగుతుంది.

కర్కాటకం :- ఆలయాలను సందర్శిస్తారు. చిట్స్, ఫైనాన్సు రంగాల వారు మొండిబకాయిల వసూలులో శ్రమాధిక్యత, ప్రయాసలు ఎదుర్కుంటారు. వాహనం ఇతరులకు ఇచ్చి ఇబ్బందులను ఎదుర్కొంటారు. ప్రముఖుల కలయికతో ఒక సమస్య పరిష్కారమవుతుంది. దైనందిన కార్యక్రమాల్లో ఎటువంటి మార్పులుండవు.

సింహం :- అంకితభావంతో పనిచేస్తే మంచి ఫలితాలుంటాయి. అవివాహితులలో పలు ఆలోచనలు చోటుచేసుకుంటాయి. సహోద్యోగుల సాయంతో ఒక సమస్య సానుకూలమవుతుంది. నిరుద్యోగులు ఏ చిన్న సదావకాశం లభించిన సద్వినియోగం చేసుకోవడం మంచిది. ప్రైవేట్ సంస్థల వారికి ఓర్పు ప్రధానం.

కన్య :- ఒక స్థిరాస్తి విక్రయించాలనే ఆలోచనస్ఫురిస్తుంది. మీ శ్రీమతి సూటిపోటి మాటలు, మొండితనం చికాకు కలిగిస్తాయి. పానీయ చిరువ్యాపారులకు లాభదాయకం. స్త్రీలకు టివి ఛానెళ్ళ నుంచి ఆహ్వానం, పత్రికల నుంచి పారితోషికం అందుతుంది. మీసంతానం పై చదువుల విషయంలో ఒక నిర్ణయానికి వస్తారు.

తుల :- ఉద్యోగస్తులు, ఉపాధ్యాయులకు ఒత్తిడి, పనిభారం అధికం. కాంట్రాక్టర్లకు రావలసిన బిల్లులు మంజూరవుతాయి. ఒక వ్యవహారం నిమిత్తం న్యాయవాదులతో సంప్రదింపులు జరుపుతారు. వ్యాపారాల అభివృద్ధికి చేపట్టిన పథకాలు, ప్రణాళికలు సామాన్య ఫలితాలనే ఇస్తాయి. ఆప్తులకు ప్రియమైన వస్తువులు అందజేస్తారు.

వృశ్చికం :- ఉద్యోగస్తులకు అదనపు బాధ్యతలు, పనిభారం నుంచి విముక్తి లభిస్తుంది. మీ ఏమరుపాటు వల్ల విలువైన వస్తువులు చేజార్చుకుంటారు. మిత్రులను కలుసుకుంటారు. నూతన పరిచయాలు, కార్యకలాపాలు విస్తరిస్తాయి. దంపతుల మధ్య సఖ్యత కొరవడుతుంది. సంఘంలో మంచి గుర్తింపు, రాణింపు లభిస్తుంది.

ధనస్సు :- తలపెట్టిన పనులలో ఆటంకాలు ఎదుర్కుంటారు. ప్రింటింగ్ రంగాల వారికి బకాయిల వసూళ్ళలో శ్రమాధిక్యత, ప్రయాసలు తప్పవు. పొదుపు పాటించే విషయంలో కుటుంబీకుల నుంచి వ్యతిరేకత, సన్నిహితుల అవహేళనలు ఎదుర్కుంటారు. రాజకీయ నాయకులకు ఊహించని మార్పులు చోటుచేసుకుంటాయి.

మకరం :- ఏజెంట్లకు, బ్రోకర్లకు శ్రమాధిక్యత, చికాకులు తప్పవు. మిత్రులను కలుసుకుంటారు. ఆస్తి వ్యవహారాలలో కుటుంబీకుల మధ్య పరస్పర అవగాహన లోపిస్తుంది. రావలసిన ధనం అందటంతో తనఖా పెట్టిన వస్తువులు విడిపించుకుంటారు. స్త్రీలు తమ ఆధిపత్యం నిలబెట్టుకోవాలనే తాపత్రయం అధికమవుతాయి.

కుంభం :- స్టేషనరీ, ప్రింటింగ్ రంగాల వారికి ఆశాజనకం. పెద్దవారిలో మందకొడితనం అధికమవుతుంది. రియల్ ఎస్టేట్ వారికి నూతన వెంచర్ల విషయంలో పునరాలోచన అవసరం. స్త్రీలకు ఇతరుల వాహనం నడపటం వల్ల ఇబ్బందులు ఎదురవుతాయి. వ్యవసాయ, తోటల రంగాల వారికి ఆశాజనకం. 

మీనం :- నిరుద్యోగులకు బోగస్ ప్రకటనలు, అపరిచిత వ్యక్తుల పట్ల అప్రమత్తత అవసరం. విద్యార్థులకు ప్రేమ వ్యవహారాల్లో భంగపాటు తప్పదు. మనోబలంతో యత్నాలు సాగించండి. ఆర్థిక విషయాలు గోప్యంగా ఉంచాలి. తలపెట్టిన పనిలో అవాంతరాలు ఎదుర్కొంటారు. మీ వాక్చాతుర్యంతో ఎదుటివారిని ఆకట్టుకుంటారు.