26-02-2025 బుధవారం దినఫలితాలు - ఆర్థికలావాదేవీలు ముగుస్తాయి.

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం

ఆర్ధికలావాదేవీలు ముగుస్తాయి. రావలసిన ధనం అందుంది. ఖర్చులు సామాన్యం. వివాహయత్నాలు తీవ్రంగా సాగిస్తారు. పనులు మందకొడిగా సాగుతాయి. ఆప్తుల కలయిక వీలుపడదు. పిల్లల దూకుడు ఇబ్బంది కలిగిస్తుంది. ఆత్మీయులతో సంభాషిస్తారు.

వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు

సంకల్పం సిద్ధిస్తుంది. ఉల్లాసంగా గడుపుతారు. బంధుమిత్రులను కలుసుకుంటారు. దంపతుల మధ్య ఏకాభిప్రాయం నెలకొంటుంది. విలాసాలకు వ్యయం చేస్తారు. ఇంటి విషయాలు పట్టించుకుంటారు. పనులు వాయిదా వేసుకుంటారు. పుణ్యకార్యంలో పాల్గొంటారు. 

మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు

మనోధైర్యంతో యత్నాలు సాగించండి. ఆప్తుల హితవు మీపై సత్ప్రభావం చూపుతుంది. వ్యాపకాలు సృష్టించుకుంటారు. దుబారా ఖర్చులు విపరీతం. అవసరాలు వాయిదా వేసుకుంటారు. పనులు మందకొడిగా సాగుతాయి. సామాజిక కార్యక్రమంలో పాల్గొంటారు.

కర్కాటకం : పునర్వసు 4వ పాదం, పుష్యమి, ఆశ్లేష

శ్రమించినా ఫలితం ఉండదు. మీ కష్టం వేరొకరికి లాభిస్తుంది. చీటికిమాటికి చికాకుపడతారు. మీ కోపతాపాలు అదుపులో ఉంచుకోండి. ఖర్చులు విపరీతం. అవసరాలు వాయిదా వేసుకుంటారు. వాహనం నడిపేటపుడు జాగ్రత్త. బెట్టింగ్లకు పాల్పడవద్దు.

సింహం : మఖ, పుబ్బ, ఉత్తర 1వ పాదం

ఆలోచనలు కార్యరూపం దాల్చుతాయి. యత్నాలను ఆప్తులు ప్రోత్సహిస్తారు. దంపతుల మధ్య అన్యోన్యత నెలకొంటుంది. రోజువారీ ఖర్చులే ఉంటాయి. పనులు మొక్కుబడిగా పూర్తిచేస్తారు. ఊహించని సంఘటనలెదురవుతాయి. ఆకస్మిక ప్రయాణం తలపెడతారు. 

కన్య : ఉత్తర 2, 3, 4 పాదాలు, హస్త, చిత్త1,2 పాదాలు

వ్యవహారానుకూలత ఉంది. పట్టుదలతో అనుకున్నది సాధిస్తారు. మొండిబాకీలు వసూలవుతాయి. గృహం ప్రశాంతంగా ఉంటుంది. కొత్త యత్నాలు ప్రారంభిస్తారు. అవకాశాలను వదులుకోవద్దు. కొత్తవ్యక్తులతో జాగ్రత్త. చేపట్టిన పనుల్లో ఒత్తిడి, జాప్యం అధికం. 

తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు

సంప్రదింపులతో తీరిక ఉండదు. ఒత్తిడి, పనిభారం. బాధ్యతలు స్వీకరిస్తారు. కొత్త పరిచయాలేర్పడతాయి. ఖర్చులు విపరీతం. మీ సలహా కొందరికి ఉపకరిస్తుంది. దంపతుల మధ్య అవగాహన నెలకొంటుంది. స్థిరాస్తి కొనుగోలు దిశగా యత్నాలు సాగిస్తారు. 

వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు

ఏ విషయంపై ఆసక్తి ఉండదు. అన్యమస్కంగా గడుపుతారు. ఊహించని ఖర్చులెదురవుతాయి. అవసరాలు వాయిదా వేసుకుంటారు. గృహంలో స్తబ్ధత నెలకొంటుంది. పనులు మందకొడిగా సాగుతాయి. సన్నిహితులతో సంభాషిస్తారు. ఏకాగ్రతతో వాహనం నడపండి.

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం

లక్ష్యాన్ని సాధిస్తారు. ధనలాభం ఉంది. ఉల్లాసంగా గడుపుతారు. మీ సాయంతో ఒకరికి లబ్ధిచేకూరుతుంది. సావకాశంగా పనులు పూర్తి చేస్తారు. అయిన వారితో ఉల్లాసంగా గడుపుతారు. బాధ్యతలు అప్పగించవద్దు. కొత్త వ్యక్తులతో మితంగా సంభాషించండి.

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు

ఒప్పందాల్లో ఏకాగ్రత వహించండి. యాదృచ్ఛికంగా తప్పులు దొర్లే ఆస్కారం ఉంది. పనులు ఒక పట్టాన సాగవు. ప్రముఖుల జోక్యం అనివార్యం. పెద్దఖర్చు తగిలే సూచనలున్నాయి, ధనం మితంగా వ్యయం చేయండి. సామాజిక కార్యక్రమంలో పాల్గొంటారు. 

కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు

అవిశ్రాంతంగా శ్రమిస్తారు. కొత్త పరిచయాలేర్పడతాయి. చాకచక్యంగా అడుగులేస్తారు. ఖర్చులు విపరీతం. మొండిగా పనులు పూర్తిచేస్తారు. ఆప్తులతో సంభాషిస్తారు. ఇతరుల విషయాల్లో జోక్యం తగదు. కనిపించకుండా పోయిన పత్రాలు లభ్యమవుతాయి.

మీనం : పూర్వాబాద్ర 4వ పాదం, ఉత్తరాబాద్ర, రేవతి

ఆర్ధిక సమస్యల నుంచి బయటపడతారు. ఖర్చులు తగ్గించుకుంటారు. పరిచయాలు ఉన్నతికి తోడ్పడతాయి. పనులు మందకొడీగా సాగుతాయి. దంపతుల మధ్య సఖ్యత లోపం. చీటికిమాటికి చికాకుపడతారు. సన్మాన, సంస్కరణ కార్యక్రమాల్లో పాల్గొంటారు.