15-07-2025 మంగళవారం ఫలితాలు - ఓర్పుతో ముందుకు సాగండి...

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం

రావలసిన ధనం అందుతుంది. రోజువారీ ఖర్చులే ఉంటాయి. సకాలంలో వాయిదాలు చెల్లిస్తారు. పనులు చురుకుగా సాగుతాయి. అవకాశాన్ని అందిపుచ్చుకుంటారు. కొన్ని విషయాలు పట్టించుకోవద్దు. ఓర్పుతో ముందుకు సాగండి. ప్రయాణం విరమించుకుంటారు.

వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు

కార్యక్రమాలు సజావుగా సాగుతాయి. వ్యవహార దక్షతతో రాణిస్తారు. ప్రముఖులతో పరిచయాలు బలపడతాయి. అవకాశాలను చేజిక్కించుకుంటారు. ఖర్చులు విపరీతం. ఆత్మీయులతో కాలక్షేపం చేస్తారు. విలాసాలకు వ్యయం చేస్తారు. పనుల్లో ఒత్తిడి అధికం. 

మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు

ఓర్పుతో శ్రమిస్తే విజయం తధ్యం. మనోధైర్యంతో ముందుకు సాగండి. పొదుపు పథకాలపై దృష్టి పెడతారు. ప్రైవేట్ ఫైనాన్సులో మదుపు తగదు. ఊహించని సంఘటనలు ఎదురవుతాయి. ప్రముఖులను కలుసుకుంటారు. ఒక సమాచారం ఉపశమనం కలిగిస్తుంది. 

కర్కాటకం : పునర్వసు 4వ పాదం, పుష్యమి, ఆశ్లేష

పంతాలకు పోవద్దు. ఎదుటివారి అభిప్రాయాలకు విలువ ఇవ్వండి. లౌక్యంగా పనులు చక్కబెట్టుకోవాలి. బంధువులతో స్పర్థలు. తలెత్తుతాయి. మాటతీరు అదుపులో ఉంచుకోండి. సామరస్యంగా మెలగండి. ఖర్చులు విపరీతం. కీలక సమావేశంలో పాల్గొంటారు. 

సింహం : మఖ, పుబ్బ, ఉత్తర 1వ పాదం

కార్యసిద్ధికి కృషి, పట్టుదల ప్రధానం. మీ సామర్ధ్యంపై నమ్మకం పెంచుకోండి. త్వరలో మీ కృషి ఫలిస్తుంది. ఖర్చులు అదుపులో ఉండవు. అవసరానికి అతికష్టంమ్మీద ధనం సర్దుబాటవుతుంది. ముఖ్యమైన పత్రాలు అందుకుంటారు. పనులతో సతమతమవుతారు. 

కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు

సంప్రదింపులతో తీరిక ఉండదు. శ్రమాధిక్యత, ఆకాలభోజనం, ఆచితూచి అడుగేయండి. మంచి చేయబోతే చెడు ఎదురవుతుంది. కొన్ని విషయాలు పట్టించుకోవద్దు. పనులు ముందుకు సాగవు. ఖర్చులు విపరీతం. ప్రముఖుల సందర్శనం కోసం పడిగాపులు తప్పవు. 

తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు

పొదుపు ధనం అందుకుంటారు. చెల్లింపుల్లో జాగ్రత్త. కొత్త పనులు చేపడతారు. వ్యవహారాలు స్వయంగా చూసుకోవాలి. అనవసర జోక్యం తగదు. దంపతుల మధ్య సఖ్యత నెలకొంటుంది. ప్రముఖులతో పరిచయాలు ఏర్పడతాయి. వాయిదా పడుతూ వస్తున్న మొక్కులు తీర్చుకుంటారు. 

వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు

వ్యవహారానుకూలత ఉంది. అందరినీ ఇట్టే ఆకట్టుకుంటారు. ఆలోచనలు కార్యరూపం దాల్చుతాయి. ఖర్చులు సామాన్యం. ఆప్తులకు సాయం అందిస్తారు. ప్రణాళికాబద్ధంగా పనులు పూర్తిచేస్తారు. ఫోను సందేశాలను పట్టించుకోవద్దు. అజ్ఞాత వ్యక్తులతో జాగ్రత్త. 

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం

ఆకస్మిక ధనలాభం, వస్త్రప్రాప్తి ఉన్నాయి. కొన్ని ఇబ్బందులు తొలగుతాయి. ఖర్చులు సామాన్యం. పనులు చురుకుగా సాగుతాయి. దంపతుల మధ్య అకారణ కలహం. విలువైన వస్తువులు మరమ్మతుకు గురవుతాయి. అసాంఘిక కార్యకలాపాలకు పాల్పడవద్దు.

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు

మీ కష్టం ఫలిస్తుంది. సమర్ధతను చాటుకుంటారు. అవకాశాలను అందిపుచ్చుకుంటారు. రోజువారీ ఖర్చులే ఉంటాయి. పనులు మొండిగా పూర్తి చేస్తారు. పాతపరిచయస్తులను కలుసుకుంటారు. గత సంఘటనలు ఉత్సాహాన్నిస్తాయి. శుభకార్యం తలపెడతారు. 

కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు

లావాదేవీలతో హడావుడిగా ఉంటారు. ఆలోచనల్లో మార్పు వస్తుంది. సన్నిహితుల సలహా పాటిస్తారు. ఖర్చులు విపరీతం. పనులు మొండిగా పూర్తి చేస్తారు. పిల్లల మొండితనం చికాకుపరుస్తుంది. గృహ ప్రశాంతతను భంగపరుచుకోవద్దు. ఆత్మీయులతో సంభాషిస్తారు. 

మీనం : పూర్వాబాద్ర 4వ పాదం, ఉత్తరాబాద్ర, రేవతి

సర్వత్రా అనుకూలమే. సంప్రదింపులు ఫలిస్తాయి. దూరపు బంధువులను కలుసుకుంటారు. ఖర్చులు సామాన్యం. పనులు సకాలంలో పూర్తి చేస్తారు. ఎవరినీ అతిగా విశ్వసించవద్దు. నమ్మకస్తులే మోసగించేందుకు యత్నిస్తారు. ఆత్మీయులకు ముఖ్య సమాచారం అందిస్తారు.