09-08-2025 శనివారం ఫలితాలు - పత్రాలు, ఆభరణాలు జాగ్రత్త...

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం

కార్యసాధనలో సఫలీకృతులవుతారు. మీ వాక్కు ఫలిస్తుంది. ప్రముఖులతో పరిచయాలు ఏర్పడతాయి. ఖర్చులు అదుపులో ఉండవు. బాధ్యతలు స్వయంగా చూసుకోండి. పత్రాలు, ఆభరణాలు జాగ్రత్త. పనులు సానుకూలమవుతాయి. వివాదాలు కొలిక్కివస్తాయి. ప్రయాణం విరమించుకుంటారు.

వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు

రావలసిన ధనం అందుతుంది. ఖరీదైన వస్తువులు కొనుగోలు చేస్తారు. పత్రాలు జాగ్రత్త. మీ జోక్యం అనివార్యం. అనుకోని సంఘటన ఎదురవుతుంది. పనుల్లో ఒత్తిడి అధికం. కీలక సమావేశాల్లో పాల్గొంటారు. అసాంఘిక కార్యకలాపాలు పాల్పడవద్దు. 

మిథునం : మృగశిర 3, 4 పాదాలు, అర్ధ, పునర్వసు 1, 2, 3 పాదాలు

ఆలోచనల్లో మార్పు వస్తుంది. రాజీ మార్గంలో సమస్యలు పరిష్కరించుకుంటారు. ఖర్చులు విపరీతం. ఒక ఆహ్వానం ఆలోచింపచేస్తుంది. కుటుంబీకులను సంప్రదిస్తారు. కనిపించకుండా పోయిన వస్తువులు లభ్యమవుతాయి. వాస్తుదోష నివారణ చర్యలు చేపడతారు. 

కర్కాటకం : పునర్వసు 4వ పాదం, పుష్యమి, ఆశ్లేష

కార్యసాధనకు ఓర్పు ప్రధానం. అవకాశాలను వదులుకోవద్దు. సమర్ధతపై నమ్మకం పెంచుకోండి. స్వయంకృషితోనే రాణిస్తారు. పనులు అస్తవ్యస్తంగా సాగుతాయి. పొదుపు పథకాలపై దృష్టి పెడతారు. ధనసహాయం తగదు. ముఖ్యమైన పత్రాలు అందుకుంటారు. 

సింహం : మఖ, పుబ్బ, ఉత్తర 1వ పాదం

అనుకున్నది సాధిస్తారు. పరిచయాలు బలపడతాయి. విలాసాలకు వ్యయం చేస్తారు. పనులు చురుకుగా సాగుతాయి. పొగిడే వ్యక్తులతో జాగ్రత్త. ఆంతరంగిక విషయాలు గోప్యంగా ఉంచండి. పిల్లల పై చదువులపై శ్రద్ధ వహిస్తారు. వాహనం నడిపేటపుడు జాగ్రత్త. 

కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు

శుభకార్యానికి హాజరవుతారు. వస్తులాభం, వస్త్రప్రాప్తి ఉన్నాయి. మీ ఉన్నతిని చాటుకోవటానికి విపరీతంగా వ్యయం చేస్తారు. నగదు డ్రా చేసేటపుడు జాగ్రత్త. బ్యాంకు వివరాలు వెల్లడించవద్దు. పనులు హడావుడిగా సాగుతాయి. వాయిదా పడిన మొక్కులు తీర్చుకుంటారు. 

తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు

లావాదేవీలు మీ సమక్షంలో సాగుతాయి. కొత్త విషయాలు తెలుసుకుంటారు. ఖర్చులు అధికం. ఉల్లాసంగా గడుపుతారు. శుభకార్యం నిశ్చయమవుతుంది. బంధుత్వాలు బలపడతాయి. పనులు అస్తవ్యస్తంగా సాగుతాయి. ముఖ్యులలో ఒకరికి స్వాగతం, వీడ్కోలు పలుకుతారు. 

వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు

రుణ సమస్యకు పరిష్కారం గోచరిస్తుంది. మానసికంగా కుదుటపడతారు. ఖర్చులు తగ్గించుకుంటారు. మీ శ్రీమతిలో మార్పు వస్తుంది. కనిపించకుండా పోయిన పత్రాలు లభ్యమవుతాయి. అస్వస్థతకు గురవుతారు. సన్నిహితుల రాక ఉపశమనం కలిగిస్తుంది. 

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం

పరిస్థితులు అనుకూలిస్తాయి. రావలసిన ధనం అందుతుంది. విలాసాలకు వ్యయం చేస్తారు. పనులు హడావుడిగా సాగుతాయి. ప్రియతముల కలయిక వీలుపడదు. స్థిరాస్తి వ్యవహారంలో ఏకాగ్రత వహించండి. చెల్లింపుల్లో జాగ్రత్త. పుణ్యక్షేత్రాలు సందర్శిస్తారు.

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు

ఆర్థికలావాదేవీలు ముగుస్తాయి. కొత్త యత్నాలు ప్రారంభిస్తారు. ఖర్చులు విపరీతం. సన్నిహితులు సాయం అందిస్తారు. ఆశించిన పదవులు దక్కవు. మనోధైర్యంతో వ్యవహరించండి. పనులు అస్తవ్యస్తంగా సాగుతాయి. పోగొట్టుకున్న వస్తువులు లభ్యం కావు. 

కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు

ఆశావహదృక్పధంతో మెలగండి. పరిచయస్తుల వ్యాఖ్యలు ఉద్రేకపరుస్తాయి. కొన్ని విషయాలు పట్టించుకోవద్దు. కొంత మొత్తం పొదుపు చేయగల్గుతారు. దంపతుల మధ్య అకారణ కలహం. ఆత్మీయులతో కాలక్షేపం చేస్తారు. ఫోన్ సందేశాలను పట్టించుకోవద్దు.

మీనం : పూర్వాబాద్ర 4వ పాదం, ఉత్తరాబాద్ర, రేవతి

ఆశావహదృక్పథంతో మెలగండి. యత్నాలు విరమించుకోవద్దు. ఖర్చులు విపరీతం. కార్యక్రమాలు ముందుకు సాగవు. పిల్లల మొండితనం ఇబ్బంది కలిగిస్తుంది. పత్రాలు సమయానికి కనిపించవు. ఆహ్వానం అందుకుంటారు. వేడుకల్లో అత్యుత్సాహం తగదు.