మేషం : అశ్వని, భరణి 1, 2, 3, 4 పాదములు, కృత్తిక 1వ పాదం
పొదుపు ధనం అందుకుంటారు. కొన్ని ఇబ్బందులు తొలగుతాయి. వేడుకలో అందరినీ ఆకట్టుకుంటారు. విలువైన వస్తువులు జాగ్రత్త. పనులు, బాధ్యతలు అప్పగించవద్దు. వ్యవహారాల్లో మెళకువ వహించండి. హామీలివ్వవద్దు. అయిన వారి సలహా పాటించండి.
వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు
కష్టించినా ఫలితం శూన్యం. నిస్తేజానికి లోనవుతారు. మనోధైర్యంతో యత్నాలు సాగించండి. ఖర్చులు విపరీతం, సాయం చేసేందుకు అయిన వారే వెనుకాడుతారు. పనులు అస్తవ్యస్తంగా సాగుతాయి. విలువైన వస్తువులు జాగ్రత్త. ఆహ్వానం అందుకుంటారు.
మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు
అప్రమత్తంగా ఉండండి. ఆశించిన అవకాశం చేజారిపోతుంది. నిరాశకు లోనవుతారు. ఓర్పుతో శ్రమించిన గాని పనులు కావు. అనవసర జోక్యం తగదు. రోజువారీ ఖర్చులే ఉంటాయి. ఫోన్ సందేశాలను పట్టించుకోవద్దు. ప్రతి విషయం క్షుణ్ణంగా తెలుసుకోండి.
కర్కాటకం : పునర్వసు 4వ పాదం, పుష్యమి, ఆశ్లేష
లావాదేవీలతో సతమతమవుతారు. కొందరి వ్యాఖ్యలు ఉద్రేకపరుస్తాయి. మీ తప్పిదాలను సరిదిద్దుకోవటం ముఖ్యం. రోజువారీ ఖర్చులే ఉంటాయి. పనులు మొక్కుబడిగా పూర్తి చేస్తారు. దంపతుల మధ్య సఖ్యత లోపం. ముఖ్యమైన పత్రాలు నగదు జాగ్రత్త.
సింహం : మఖ, పుబ్బ, ఉత్తర 1వ పాదం
వ్యవహార దక్షతతో రాణిస్తారు. మీ జోక్యంతో ఒక సమస్య పరిష్కారమవుతుంది. పనులు సావకాశంగా పూర్తి చేస్తారు. పెద్దమొత్తం ధనసహాయం తగదు. అపరిచితులతో జాగ్రత్త. ఎదుటివారి ఆంతర్యం గ్రహించి మెలగండి. ప్రేమ వ్యవహారాలు వివాదాస్పదమవుతాయి.
కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు
మాటతీరు ఆకట్టుకుంటుంది. వ్యవహారాలను సమర్ధంగా నిర్వహిస్తారు. ఖర్చులు విపరీతం. రావలసిన ధనంపై దృష్టి పెడతారు. పనుల్లో ఒత్తిడి అధికం. అప్రియమైన వార్త వింటారు. కార్యక్రమాలు వాయిదా వేసుకుంటారు. వాహనం నడిపేటపుడు జాగ్రత్త.
తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు
సమయస్ఫూర్తితో వ్యవహరిస్తారు. మీ కష్టం వృధాకాదు. శుభవార్త వింటారు. ధనలాభం, వస్త్రప్రాప్తి ఉన్నాయి. సకాలంలో చెల్లింపులు జరుపుతారు. విలువైన వస్తువులు, పత్రాలు జాగ్రత్త. దంపతుల మధ్య సఖ్యత నెలకొంటుంది. ఆత్మీయులతో కాలక్షేపం చేస్తారు.
వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు
ధైర్యంగా అడుగు ముందుకేస్తారు. వ్యవహారాలు మీ సమక్షంలో సాగుతాయి. ఖర్చులు అదుపులో ఉండవు. ధనమూలక సమస్యలు ఎదురవుతాయి. ఆప్తుల సాయంతో ఒక సమస్య సానుకూలమవుతుంది. అర్థాంతంగా ముగించిన పనులు పూర్తిచేస్తారు.
ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం
కార్యదీక్షతోనే అనుకున్నది సాధిస్తారు. సాయం ఆశించవద్దు. ఖర్చులు సామాన్యం. కొన్ని సమస్యల నుంచి బయటపడతారు. కొత్త వ్యక్తులతో జాగ్రత్త. పనుల్లో శ్రమ, చికాకులు అధికం. గృహ మరమ్మతులు చేపడతారు. లైసెన్సుల రెన్యువల్లో అలక్ష్యం తగదు.
మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు
మీ కృషి ఫలిస్తుంది. సంతోషంగా గడుపుతారు. ఖర్చులు విపరీతం. వివాహ యత్నాలు తీవ్రంగా సాగిస్తారు. ఏజెన్సీలను విశ్వసించవద్దు. సకాలంలో పనులు పూర్తి చేస్తారు. బాధ్యతలు అప్పగించవద్దు. నగదు, ఆభరణాలు జాగ్రత్త. వేడుకల్లో అందరినీ ఆకట్టుకుంటారు.
కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు
ఆర్థికంగా బాగున్నా వెలితిగా ఉంటుంది. చీటికి మాటికి అసహనం చెందుతారు. మీ ఆగ్రహావేశాలు అదుపులో ఉంచుకోండి. ఖర్చులు విపరీతం. ధనసహాయం అర్థించేందుకు మనస్కరించదు. ఆలోచనలతో సతమతమవుతారు. ప్రయాణం తలపెడతారు.
మీనం : పూర్వాబాద్ర 4వ పాదం, ఉత్తరాబాద్ర, రేవతి
కార్యక్రమాలు నిర్విఘ్నంగా సాగుతాయి. కొంతమొత్తం ధనం అందుతుంది. ప్రణాళికలు వేసుకుంటారు. సావకాశంగా పనులు పూర్తి చేస్తారు. అనవసర జోక్యం తగదు. పత్రాలు అందుకుంటారు. దంపతుల మధ్య సఖ్యత నెలకొంటుంది. దైవకార్య సమావేశంలో పాల్గొంటారు.
