01-08-2021 ఆదివారం దినఫలాలు - అమ్మవారిని పున్నాగపూలతో ఆరాధిస్తే...

మేషం : అందరితో కలిసి విందులు, వినోదాలలో పాల్గొంటారు. ఉద్యోగస్తులు విశ్రాంతికై చేయు యత్నాలు ఫలిస్తాయి. ప్రముఖులతో సంప్రదింపులు, చర్చలు ఫలిస్తాయి. మీ బలహీనతలను కొంతమంది స్వార్థానికి వినియోగించుకుంటారు. ఖర్చులు అధికమవుతాయి. ప్రేమ వ్యవహారాల్లో ఇబ్బందులను ఎదుర్కొంటారు. 

వృషభం : సంఘంలో మీ కీర్తి ప్రతిష్టలు పెరుగుతాయి. బంధువుల రాకతో గృహంలో సందడి కానవస్తుంది. వాహనం నడుపునపుడు ఏకాగ్రత అవసరం. నూతన ప్రదేశాల సందర్శనలకు అనుకూలం. మీ శ్రీమతి మొండి వైఖరి మీకు చికాకు కలిగిస్తుంది. హోటల్, క్యాటరింగ్ పనివారలకు సదావకాశాలు లభిస్తాయి. 

మిథునం : ఆర్థిక వ్యవహారాలు, కుటుంబ సమస్యలు చక్కబడతాయి. స్టేషనరీ, ప్రింటింగ్ రంగాల వారికి ఆశాజనకం. ఒక కార్యం నిమిత్తం ఆకస్మికంగా ప్రయాణం చేస్తారు. గత విషయాలు జ్ఞప్తికి వస్తాయి. ఖర్చులు అంతగా లేకున్నా ధన వ్యయంలో ఏకాగ్రత వహించండి. కాంట్రాక్టర్లకు రావలసిన బిల్లులు మంజూరవుతాయి. 

కర్కాటకం : చేపట్టిన ఉపాధి పథకాలు మందకొడిగా సాగుతాయి. కొబ్బరి, పండ్లు, పూలు, పానీయ, చిరు వ్యాపారులకు లాభదాయకంగా ఉంటుంది. స్త్రీలకు పనివారలతో ఒత్తిడి, చికాకులను ఎదుర్కొంటారు. ఏ వ్యక్తినీ అతిగా విశ్వసించడం మంచిదికాదు. సమయస్ఫూర్తితో వ్యవహరించి ఒక సమస్యను అధికమిస్తారు. 

సింహం : చీటికి మాటికి ఎదుటివారిపై అసహనం ప్రదర్శిస్తారు. చిట్స్, ఫైనాన్స్ వ్యాపారులకు ఖాతాదారులతో సమస్యలు తప్పవు. ఓర్పు, నేర్పుతో అనుకున్నది సాధిస్తారు. ఒక స్థిరాస్తి విక్రయించాలనే ఆలోచన స్ఫురిస్తుంది. ధనవ్యయం అధికంగా ఉంటుంది. బంధువుల రాకతో గృహంలో సందడి కానవస్తుంది. 

కన్య : అపరిచిత వ్యక్తులతో అధికంగా సంభాషించడం మంచిదికాదు. ఒప్పందాలు ఇచ్చిపుచ్చుకునే వ్యవహారాల్లో ఏకాగ్రత వహించండి. స్త్రీలకు అలంకారాలు, విలాస వస్తువులు మీద మక్కువ పెరుగుతుంది. ఏజెంట్లు, బ్రోకర్లు, వృత్తుల వారికి సదావకాశాలు లభిస్తాయి. కుటుంబీకులతో ఉల్లాసంగా గడుపుతారు. 

తుల : పత్రికా, ప్రైవేటు సంస్థలలోని వారికి మార్పులు అనుకూలిస్తాయి. ఏ విషయంలోనూ ఒంటెత్తు పోకడ మంచిదికాదు. సన్నిహితుల నుంచి ఆహ్వానాలు అందుకుంటారు. ఆస్తి వ్యవహారాలకు సంబంధించి సోదరీ, సోదరులతో ఒక అవగాహనకు వస్తారు. అవివాహితుల ఆలోచనలు పలు విధాలుగా ఉంటాయి. 

వృశ్చికం : కష్ట సమయంలో బంధువులు అండగా నిలుస్తారు. గతంతో పోల్చుకుంటే ప్రస్తుత ఆర్థిక స్థితి కొంత మెరుగనిపిస్తుంది. అకాల భోజనం, శారీరక శ్రమ వంటి ఇబ్బందులెదుర్కొంటారు. మిత్రుల ద్వారా ఆసక్తికరమైన విషయాలు గ్రహిస్తారు. విద్యార్థులకు దూర ప్రాంతాల్లో ఉన్నత విద్యావకాశాలు లభిస్తాయి. 

ధనస్సు : వ్యాపారాల్లో నష్టాలను కొంత మేరకు అధికమిస్తాయి. ట్రాన్స్‌పోర్ట్, ట్రావెలింగ్ రంగాల వారికి మిశ్రమ ఫలితం. నిరుద్యోగులు, వృత్తుల వారికి సదావకాశాలు లభిస్తాయి. గృహ నిర్మాణాలు మందకొడిగా సాగుతాయి. హోదాలో ఉన్న అధికారులు అపరిచితుల వల్ల ఇబ్బందులకు గురయ్యే ఆస్కారంవుంది. 

మకరం : అసాధ్యమనుకున్న పనులు సునాయాసంగా పూర్తి చేస్తారు. ఆలయాలను సందర్శిస్తారు. ఇతరులకు పెద్ద మొత్తంలో ధనసహాయం చేసే విషయంలో లౌక్యంగా వ్యవహరించండి. నూతన వ్యాపారాలు, లీజు, ఏజెన్సీలు, టెండర్లకు అనుకూలం. వృథా ఖర్చులు అధికంగా ఉంటాయి. ఆత్మీయులకిచ్చిన మాట నిలబెట్టుకుంటారు. 

కుంభం : బంధు మిత్రులతో సఖ్యత నెలకొంటుంది. స్త్రీలకు ఆరోగ్యంలో తగు జాగ్రత్తలు అవసరం. ప్రతి విషయం మీ జీవిత భాగస్వామికి తెలియజేయడం మంచిది. మీ మౌనం వారికి గుణపాఠమవుతుంది. నూతన పెట్టుబడుల వ్యవహారంలో ఒక నిర్ణయానికి వస్తారు. దూర ప్రయాణాలలో వస్తువుల పట్ల మెళకువ అవసరం. 

మీనం : ఎలక్ట్రానిక్ మీడియా వారికి సదావకాశాలు లభిస్తాయి. స్థోమతకు మించిన వాగ్ధానాల వల్ల ఇబ్బందులెదుర్కొంటారు. అనుకున్న పనులు అర్థాంతరంగా ముగిస్తారు. కళ, క్రీడా రంగాల వారికి ప్రోత్సాహం లభిస్తుంది. వివాహ ఉద్యోగ యత్నాలు నెరవేరగలవు. మీ యత్నాలు ఫలించకపోవడంతో నిరుత్సాహం చెందుతారు.